IPL 2023, PBKS vs KKR : कोलकाता आतापर्यंत पंजाबवर वरचढ, यंदाही नाईट रायडर्सचा रेकॉर्ड कायम राहणार?

Kolkata Knight Riders vs Punjab Kings : पंजाब आणि कोलकाता यांच्यात आज सामना रंगणार आहे. आतापर्यंत झालेल्या सामन्यांमध्ये कोलकाताच्या संघाने पंजाबवर वरचढ ठरला आहे.

PBKS vs KKR IPL 2023 | Punjab Kings vs Kolkata Knight Riders

KKR vs PBKS, IPL 2023 : आयपीएलच्या (IPL 2023) यंदाच्या हंगामातील दुसरा रणसंग्राम कोलकाता नाईट रायडर्स (Kolkata Knight Riders) आणि पंजाब किंग्स (Punjab Kings) यांच्यात आज शनिवारी (1 एप्रिल) रोजी रंगणार आहे. आतापर्यंत झालेल्या सामन्यांमध्ये कोलकाता संघाने पंजाबवर वर्चस्व राखलं आहे. मोहालीतील आयएस ब्रिंदा स्टेडिअमवर दुपारी 3.30 वाजता रंगणार आहे. पंजाब किंग्स शिखर धवनच्या तर कोलकाला नाईट रायडर्स नितीश राणाच्या नेतृत्वात लढतीसाठी उतरणार आहे. 

IPL 2023, PBKS vs KKR : पंजाब आणि कोलकाता यांच्यात सामना

इंडियन प्रीमियर लीगच्या गेल्या तीन हंगामात, हे दोन्ही संघ एकमेकांना आळीपाळीने पराभूत करत विजय मिळवत आले आहेत. पण एकंदरी रेकॉर्ड पाहता कोलकाता नाईट रायडर्स संघ पंजाब किंग्सवर वरचढ ठरला आहे. पंजाब आणि कोलकाता या दोन्ही संघांमध्ये आतापर्यंत एकूण 30 सामने खेळले गेले आहेत. यापैकी कोलकाता नाईट रायडर्सने 20 सामने जिंकले आहेत, तर पंजाब किंग्सला फक्त 10 सामने जिंकले आहेत. असं असलं, तरी यावेळी कोलकाता संघासाठी पंजाबवर वर्चस्व राखणं अवघड होणार आहे. कारण, कोलकाताचे दोन चांगले खेळाडू श्रेयस अय्यर आणि जॉनी बेअरस्टो दुखापतीमुळे सामन्यातून बाहेर आहेत.

IPL 2023, PBKS vs KKR : कोलकाताला श्रेयस अय्यरची उणीव भासेल

कोलकाता नाईट रायडर्स संघ त्यांचा नियमित कर्णधार श्रेयस अय्यरशिवाय मैदानात उतरणार आहे. पाठीच्या दुखापतीमुळे तो सामन्यातून बाहेर आहे. त्यांच्या जागी नितीश राणावर केकेआरची जबाबदारी आहे. संघाचं नेतृत्व करण्याची नितीश राणाची ही पहिलीच वेळ आहे, त्यामुळे येथे कोलकाताला अनुभवाची कमतरता भासू शकते.

IPL 2023, PBKS vs KKR : पंजाबचं पारड जड

या सामन्याकडे पाहिलं तर, पंजाबचा संघ कोलकात्यापेक्षा मजबूत स्थितीत आहे. पंजाब किंग्सकडे गोलंदाज, फलंदाज आणि अष्टपैलू खेळाडूंची तगडी टीम आहे. तर दुसरीकडे, कोलकाता संघ यावेळीही आपल्या कॅरेबियन जोडी आंद्रे रसेल आणि सुनील नरेनवर अधिक अवलंबून असणार आहे.

संभाव्य प्लेईंग 11

कोलकाता नाईट रायडर्स : 

रहमानउल्ला गुरबाज (विकेटकीपर), जगदीशन, नितीश राणा (कर्णधार), व्यंकटेश अय्यर, आंद्रे रसेल, रिंकू सिंह, शार्दुल ठाकूर, सुनील नरेन, टिम साऊदी, उमेश यादव, वरुण चक्रवर्ती.

पंजाब किंग्ज : 

शिखर धवन (कर्णधार), प्रभसिमरन सिंह, भानुका राजपक्षे, लियाम लिव्हिंगस्टोन, शाहरुख खान, जितेश शर्मा, ऋषी धवन, सॅम कुरान, कागिसो रबाडा, अर्शदीप सिंग, राहुल चहर.

महत्त्वाच्या इतर बातम्या :