LSG vs GT IPL 2023 : आयपीएल 2023 च्या (IPL 2023) आज गुजरात (Gujrat Titans) आणि लखनौ (Lucknow Super Giants) या दोन संघांमध्ये लढत होणार आहे. 16 व्या हंगामातील 30 वा सामना आज, 22 एप्रिलला पाहायला मिळणार आहे. लखनौच्या घरच्या मैदानावर हा सामना रंगणार आहे. इकाना स्टेडिअमवर (Ekana Sports City Stadium) हा सामना खेळवला जाणार आहे.

LSG vs GT IPL 2023 : लखनौ की गुजरात कोण मारणार बाजी?

इंडियन प्रीमियर लीग 2023 च्या 30 व्या सामन्यात शनिवारी, 22 एप्रिलला गतविजेत्या गुजरात टायटन्सचा (GT) सामना लखनौ सुपर जायंट्स (LSG) यांच्यात इकाना क्रिकेट स्टेडियमवर होणार आहे. केएल राहुलच्या नेतृत्त्वात लखनौ संघ पॉईंट्स टेबलमध्ये दुसऱ्या स्थानावर आहे तर, गुजरात चौथ्या स्थानावर आहे. गुजरात टायटन्सला मागील सामन्यात त्यांच्या घरच्या मैदानावर संजू सॅमसनच्या नेतृत्त्वात राजस्थान रॉयल्सकडून पराभवाला सामोरं जावं लागलं. त्याउलट लखनौ सुपर जायंट्स संघाने मागील सामन्यात राजस्थान रॉयल्सचा पराभव केला आहे.

GT vs LSG Head To Head : हेड टू हेड आकडेवारी

इंडियन प्रीमियर लीग (Indian Premier League) मध्ये लखनौ (LSG) आणि गुजरात (GT) या संघांमध्ये आतापर्यंत दोन सामने खेळवण्यात आले आहेत. यामध्ये गुजरात संघाचं पारड जड दिसून आलं आहे. गुजरात टायटन्स संघाने दोन्ही सामने जिंकले आहेत, पण लखनौला एकही सामना जिंकता आलेला नाही. आजच्या सामन्यात कोण बाजी मारणार याकडे सर्वांचं लक्ष लागलं आहे.

Ekana Stadium Lucknow Pitch Report : इकाना खेळपट्टी कशी आहे?

गुजरात टायटन्स आणि लखनौ सुपर जायंट्स यांच्यातील हा सामना भारतरत्न अटल बिहारी वाजपेयी इकाना स्टेडियमवर (Ekana Stadium) होणार आहे. टी 20 साठी ही खेळपट्टी खूपच संतुलित आहे. खेळपट्टी फलंदाजीसोबतच गोलंदाजांसाठीही उपयुक्त आहे. येथे खेळल्या गेलेल्या एकूण सहा टी 20 आंतरराष्ट्रीय सामन्यांमध्ये पहिल्यांदा फलंदाजी करणाऱ्या संघाने पाच वेळा विजय मिळवला आहे. अशा वेळी नाणेफेक जिंकणं महत्त्वाचं ठरू शकतं. तसेच, पहिल्यांदा फलंदाजी करताना सरासरी 151 धावा होतात. या खेळपट्टीवर फिरकीपटू वर्चस्व गाजवू शकतात.

GT vs LSG IPL 2023 : कधी आणि कुठे होणार सामना?

लखनौ (LSG) आणि गुजरात (GT) यांच्यात 22 एप्रिलला लढत पाहायला मिळणार आहे. हा सामना लखनौमधील एकाना स्टेडिअमवर दुपारी 3.30 वाजता रंगणार आहे. दुपारी 3 वाजता नाणेफेक होईल.

IPL 2023 Live Streaming : लाईव्ह सामना कुठे पाहाल?

आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.

19:13 PM (IST) • 22 Apr 2023

गुजरातचा लखनौवर सात धावांनी विजय

19:12 PM (IST) • 22 Apr 2023

लखनौला आणखी एक धक्का, दीपक हुड्डा बाद

19:07 PM (IST) • 22 Apr 2023

लखनौला लागोपाठ दोन धक्के, राहुलनंतर स्टॉयनिसही बाद

19:06 PM (IST) • 22 Apr 2023

मोक्याच्या क्षणी केएल राहुल बाद

मोक्याच्या क्षणी केएल राहुल बाद... लखनौ पराभवाच्या छायेत

18:58 PM (IST) • 22 Apr 2023

लखनौला ११ चेंडूत १६ धावांची गरज

Tags :

GT Vs LSG LSG Vs GT IPL 2023 IPL 2023 Live IPL 2023 Score IPL 2023 Score Live

मराठीतील सर्व ताज्या बातम्या सर्वात आधी वाचा एबीपी माझावर. राजकारणपासून कोरोनापर्यंत आणि क्रीडापासून ते बॉलिवूडपर्यंतच्या सर्व अपडेट्स वाचण्यासाठी मराठीतील विश्वसनीय वेबसाईट म्हणजे एबीपी माझा. मराठीतील सर्व बातम्या वाचण्यासाठी लगेच फॉलो करा

New Update