UAE T20 League : शाहरुखच्या नाइट रायडर्स ग्रुपने खरेदी केला आणखी एक संघ, पाहा डिटेल्स

Kolkata Knight Riders : शाहरुख खानच्या नव्या संघाचे नाव काय? युएईमध्ये घेतला संघ

Knight Riders

Kolkata Knight Riders : अभिनेता शाहरुख खानच्या नाइट रायडर्स ग्रुपने आणखी एक संघ विकत घेतलाय. नाइट रायडर्स ग्रुपने यूएई टी20 लीगने अबु धाबी फ्रेंचायजी खरेदी केली आहे. सहा संघाच्या लीगमध्ये नाइट रायडर्स ग्रुपच्या संघाचे नाव नाम अबु धाबी नाइट राइडर्स असे आहे. नाइट रायडर्स ग्रुपचा हा चौथा संघ आहे. याआधी आयपीएलमध्ये कोलकाता नाइट रायडर्स आणि  2015 मध्ये कॅरेबियन प्रीमिअर लीगमध्ये (CPL) ट्रिनबागो नाइट रायडर्स संघाची खरेदी केली होती. त्याशिवाय मेजर लीग क्रिकेट (एमएलसी) स्पर्धेतही हा ग्रुप लॉस एंजिल्स फ्रेंचायजीची स्थापना करणार आहे. नाइट राइडर्स ग्रुपची मालकी हक्क बॉलीवुड स्टार शाहरुख खान, अभिनेत्री जूही चावला आणि जय मेहता यांच्याकडे आहे. (Shah Rukh Khan Knight Riders UAE T20 League)
 
शाहरुख खान म्हणाला की,  ' मागील काही वर्षांपासून जागतिक स्तरावर आम्ही नाइट रायडर्स ग्रुपचा विस्तार करत आहोत. युएईमध्ये टी 20 क्रिकेटला जवळून पाहात आहोत.  आम्ही यूएईमध्ये टी 20 लीगचा भाग होण्यास उत्सुक आहोत.  येथेही आम्हाला नक्कीच यश मिळेल याचा विश्वास आहे.' यूएई टी20 लीगचे अध्यक्ष खालिद अल जारूनी म्हणाले की, 'टी 20 क्रिकेट लीगमध्ये नाइट रायडर्स ग्रुपचे योगदान मोठं आहे.  यूएईमध्ये नाइट रायडर्स ग्रुप जोडल्यामुळे आम्ही उत्साही आहोत.'

केकेआरचे सीईओ वेंकी मैसूर यांनीही प्रतिक्रिया दिली आहे. ते म्हणाले की,  ' टी 20 क्रिकेटमध्ये जागतिक ब्रँडच्या रुपाने आम्ही प्रचलीत होत असल्याचा आनंद आहे. जागतिक स्तरावर नाइट रायडर्सचं नाव होत आहे. टी 20 क्रिकेट जगभरात जसं जसं वाढत आहे, त्याच्या विकासात नाइट रायडर्स ग्रुपचाही मोठा वाटा आहे.'

हे देखील वाचा-

• Jadeja Ruled Out : अडचणीत असणाऱ्या चेन्नईला आणखी एक झटका, रवींद्र जाडेजा उर्वरीत आयपीएलला मुकणार