Rishabh Pant : 27 कोटी विषय क्लोज! अवघ्या 10 मिनटात ऋषभ पंतने मोडला अय्यरचा विक्रम, ठरला सर्वात महागडा खेळाडू
Rishabh Pant Sold to Luckonow Super Giants : आयपीएलच्या इतिहासात सर्वाधिक किंमतीला विकला जाणारा खेळाडू बनला ऋषभ पंत.
IPL Auction 2025 Most Expensive Player Rishabh Pant : आयपीएल 2025 च्या मेगा लिलावाचा पहिला तास खूपच रोमांचक होता. सुरुवातीला कोलकाता नाइट रायडर्सचा माजी कर्णधार श्रेयस अय्यर सर्वात महागडा खेळाडू ठरला. त्याला पंजाब किंग्जने 26.75 कोटी रुपयांना विकत घेतले होते, मात्र काही वेळातच हा विक्रम मोडला गेला. यष्टिरक्षक फलंदाज ऋषभ पंत आयपीएलचा सर्वात महागडा खेळाडू ठरला आहे.
लखनऊने यष्टिरक्षक फलंदाज ऋषभ पंतला 27 कोटींना खरेदी केले आहे. त्यामुळे पंत आयपीएलच्या इतिहासात सर्वाधिक किंमतीला विकला जाणारा खेळाडू बनला आहे. यामध्ये त्याने अवघ्या 10 मिनटात श्रेयस अय्यरला मागे सोडले आहे, जो थोड्याच वेळापूर्वी 26.75 कोटी रुपयांना विकला गेला होता.
🚨 𝗠𝗼𝘀𝘁 𝗘𝘅𝗽𝗲𝗻𝘀𝗶𝘃𝗲 𝗣𝗹𝗮𝘆𝗲𝗿 𝗔𝗹𝗲𝗿𝘁 🚨
— IndianPremierLeague (@IPL) November 24, 2024
𝙇𝙚𝙩 𝙏𝙝𝙚 𝘿𝙧𝙪𝙢𝙧𝙤𝙡𝙡𝙨 𝘽𝙚𝙜𝙞𝙣 🥁 🥁
𝗥𝗶𝘀𝗵𝗮𝗯𝗵 𝗣𝗮𝗻𝘁 to 𝗟𝘂𝗰𝗸𝗻𝗼𝘄 𝗦𝘂𝗽𝗲𝗿 𝗚𝗶𝗮𝗻𝘁𝘀 for a gigantic 𝗜𝗡𝗥 𝟮𝟳 𝗖𝗿𝗼𝗿𝗲 🔝⚡️ #TATAIPLAuction | #TATAIPL | @RishabhPant17 | @LucknowIPL |… pic.twitter.com/IE8DabNn4V
पंत 2 कोटींच्या मूळ किंमतीसह लिलावात उतरला होता आणि अल्पावधीतच त्याची किंमत 10 कोटींच्या पुढे गेली होती. त्यानंतर ऋषभ पंतसाठी लखनऊ आणि आरसीबी यांच्यात सुरुवातीला सामना रंगला होता. पण लखनऊनेही हार मानली नाही. हैदराबादचे मालक काव्या मारन आणि लखनऊचे मालक संजय गोयंका यांनी पंतसाठी लिलावाच्या टेबलावर बोली लावली आणि काही वेळातच त्याची किंमत 17 कोटींच्या पुढे गेली.
𝗥𝗲𝗰𝗼𝗿𝗱-𝗯𝗿𝗲𝗮𝗸𝗶𝗻𝗴 𝗥𝗶𝘀𝗵𝗮𝗯𝗵 🔝
— IndianPremierLeague (@IPL) November 24, 2024
Snippets of how that Historic bidding process panned out for Rishabh Pant 🎥 🔽 #TATAIPLAuction | #TATAIPL | @RishabhPant17 | @LucknowIPL | #LSG pic.twitter.com/grfmkuCWLD
हैदराबाद आणि लखनऊ इथेच थांबले नाहीत आणि पंतवरील बोली वाढतच गेली. लखनऊने पंतसाठी 20.75 कोटी रुपयांची बोली लावली आणि हैदराबादने माघार घेतली. मात्र, दिल्लीने आरटीएमचा वापर केला. यानंतर लखनऊने पंतसाठी 27 कोटींची ऑफर दिली आणि दिल्लीने हात मागे घेतला. अशाप्रकारे पंतला 27 कोटी रुपयांना विकले गेले आणि लखनऊने त्याला आयपीएलमधील सर्वात महागडा खेळाडू म्हणून नेले.
THE HISTORIC MOMENT...!!!
— Mufaddal Vohra (@mufaddal_vohra) November 24, 2024
- Rishabh Pant becomes the most expensive player in IPL with 27cr. pic.twitter.com/TL8EKdRCnK
पंतची आयपीएल कारकीर्द
ऋषभ पंत आयपीएलच्या 8 हंगामात 111 सामन्यांमध्ये 17 वेळा नाबाद राहिला आहे आणि त्याने 35.31 च्या सरासरीने आणि 148.93 च्या स्ट्राइक रेटने 3248 धावा केल्या आहेत, ज्यामध्ये एक शतक आणि 18 धावांचा समावेश आहे. पंतची नाबाद 128* ही लीगमधील त्याची सर्वोत्तम कामगिरी आहे. अपघातात जखमी झाल्याने पंत 2023 साली खेळू शकला नव्हता. पण 2024 साली त्याने 13 सामन्यात 40.55 च्या सरासरीने आणि 155.40 च्या स्ट्राईक रेटने 446 धावा केल्या. ज्यामध्ये तीन अर्धशतकांचा समावेश आहे. नाबाद 88* ही त्याची सर्वोत्तम कामगिरी होती.
महत्त्वाच्या बातम्या
ट्रेंडिंग न्यूज
