Yuzvendra Chahal : युजवेंद्र चहलनं इतिहास रचला, नबीला बाद करत दोनशे विकेटचा टप्पा पूर्ण, ग्राऊंडवर जंगी सेलिब्रेशन
Yuzvendra Chahal : राजस्थान रॉयल्सच्या युजवेंद्र चहलनं मोहम्मद नबीला बाद करत 200 वी विकेट घेतली आहे. आयपीएलच्या इतिहासात अशी कामगिरी करणारा पहिला खेळाडू ठरला आहे.
जयपूर :आयपीएलमध्ये आज राजस्थान रॉयल्स (Rajasthan Royals) आणि मुंबई इंडियन्स (Mumbai Indians) यांच्यात मॅच सुरु आहे. राजस्थान रॉयल्सनं आतापर्यंत सातपैकी सहा मॅचमध्ये 12 गुण मिळवत पहिलं स्थान कायम ठेवलं आहे. मुंबई इंडियन्सनं सात पैकी तीन मॅचमध्ये विजय मिळवला असून ते गुणतालिकेत सातव्या स्थानावर आहेत. राजस्थान रॉयल्सचा फिरकीपटू युजवेंद्र चहल (Yuzvendra Chahal) आयपीएलमध्ये 200 विकेटचा टप्पा पार केला आहे. मुंबईचा फलंदाज मोहम्मद नबीला बाद करत चहलनं ही ऐतिहासिक कामगिरी केली. मोहम्मद नबीनं मारलेल्या बॉलचा कॅच युजवेंद्र चहलनं 200 वी विकेट घेतली. युजवेंद्र चहल आयपीएलच्या इतिहासात 200 विकेटचा टप्पा गाठणारा पहिला बॉलर आहे. यंदाच्या आयपीएलमध्ये युजवेंद्र चहलनं 13 विकेट घेतल्या असून पर्पल कॅपच्या शर्यतीत तो दुसऱ्य स्थानावर आहे.
युजवेंद्र चहल हा सध्या राजस्थान रॉयल्सकडून खेळतोय. आयपीएलमध्ये सर्वाधिक विकेट काढणारा खेळाडू ठरलाय. चहलनं यंदाच्या आयपीएलमध्ये त्यानं 13 विकेट घेतलेल्या आहेत. युजवेंद्र चहलनं आयपीएलमध्ये 153 मॅचमध्ये 200 विकेट घेतल्या आहेत. चहलची सरासरी 21.38 इतकी असून 7.70 इतकी इकोनॉमी आहे. युजवेंद्र चहलनं आयपीएलमध्ये 40 धावांवर 5 विकेट ही सर्वोत्तम कामगिरी केलेली आहे.
चहलचं सेलिब्रेशन
First bowler in the history of IPL to take 200 wickets! 🙌
— IndianPremierLeague (@IPL) April 22, 2024
Congratulations Yuzvendra Chahal 👏👏
Watch the match LIVE on @JioCinema and @StarSportsIndia 💻📱#TATAIPL | #RRvMI | @yuzi_chahal pic.twitter.com/zAcG8TR6LN
युजवेंद्र चहलनं 2013 मध्ये आयपीएलमध्ये पदार्पण केलं होतं. चहलच्या नावावर आयपीएलमध्ये आता 200 विकेट आहेत. आयपीएलमध्ये विकेट घेणाऱ्या गोलंदाजांच्या यादीत दुसऱ्या स्थानी वेस्ट इंडिजचा खेळाडू ड्वेन ब्राव्हो आहे. ब्राव्होनं 161 मॅचमध्ये 183 विकेट घेतलेल्या आहेत. ब्राव्होनं आयपीएलमधून निवृत्ती घेतेली आहे.
मुंबई इंडियन्सचा बॉलर पियूष चावला या मध्ये तिसऱ्या स्थानावर आहे. पियूष चावलानं 186 मॅचमध्ये 181 विकेट घेतल्या आहेत. तर भुवनेश्वर कुमार चौथ्या स्थानावर असून त्यानं 174 विकेट घेतलेल्या आहेत. अमित मिश्रानं 173 विकेट घेतलेल्या आहेत. रविचंद्रन अश्विन आणि सुनील नरेननं 172, लासिथ मलिंगा 170 , जसप्रीत बुमराहनं 158, रवींद्र जडेजानं 156 विकेट घेतल्या आहेत. यानंतर हरभजन सिंह यांचा क्रमांक लागतो.
युजवेंद्र चहलनं आठ मॅचमध्ये चहलनं 13 विकेट घेतल्या आहेत. जसप्रीत बुमराहनं देखील 13 विकेट घेतल्या असून कमी धावा देत ही कामगिरी केल्यानं तो पर्पल कॅपचा मानकरी आहे.
संबंधित बातम्या :
महत्त्वाच्या बातम्या
ट्रेंडिंग न्यूज
