IPL 2024 Auction: 1 कोटी बेस प्राईज, पण लिलावात साडेसात पटींनी अधिकची बोली; रोवमॅन पॉवेल राजस्थानच्या ताफ्यात

1 कोटी बेस प्राईज असणाऱ्या रोवमॅन पॉवेलवर राजस्थाननं लावली तब्बल साडेसात पट अधिक रक्कमेची बोली, लिलावातील पहिला खेळाडू मालामाल

IPL 2024 Auction | Rovman Powell

IPL Auction 2024: आयपीएल 2024 (IPL 2024) साठी खेळाडूंचा लिलाव आज पार पडतोय. लिलाव प्रक्रियेला सुरुवात झाली आणि लिलावातील पहिल्याच खेळाडूनं छप्परफाड कमाई केली. राजस्थान रॉयल्सनं रोव्हमन पॉवेलला 7.40 कोटी रुपयांना आपल्या संघाचा भाग बनवलं आहे. पॉवेलची मूळ किंमत एक कोटी रुपये होती. मागील सीझनमध्ये पॉवेल दिल्ली कॅपिटल्सचा भाग होता. दिल्लीनं 2023 मध्ये पॉवेलला 2.80 कोटी रुपयांना विकत घेतलं होतं. पण 2024 च्या आयपीएलपूर्वी दिल्लीनं त्याला सोडलं होतं. आता राजस्थाननं त्याच्यावर मोठी बोली लावून त्याला आपल्या कॅम्पमध्ये समाविष्ट केलं आहे. 

वेस्ट इंडिजचा ऑलराउंडर खेळाडू 2023 मध्ये दिल्लीसाठी फक्त तीन सामने खेळला, ज्यामध्ये त्यानं फलंदाजी करताना 7 धावा केल्या आणि गोलंदाजीत 1 विकेट घेतला. मात्र, त्यानंतरही दिल्लीनं त्याच्यावर मोठी बोली लावली आहे. आता पॉवेल दिल्लीसाठी कितपत यशस्वी ठरतो? हे पाहणं औत्सुक्याचं ठरणार आहे.

यंदाच्या लिलावात 23 खेळाडूंची मूळ किंमत 2 कोटी 

यंदाच्या लिलावासाठी दोन सहयोगी देशांतील खेळाडूंचाही समावेश करण्यात आला आहे. IPL 2024 साठी सर्व 10 संघांमध्ये एकूण 77 खेळाडूंची आवश्यकता आहे. याचा अर्थ 333 निवडलेल्या खेळाडूंपैकी केवळ 77 खेळाडूंचा लिलाव होईल. 333 खेळाडूंच्या यादीत 23 खेळाडू आहेत ज्यांची मूळ किंमत 2 कोटी रुपये आहे. तर 13 खेळाडूंची मूळ किंमत 1.5 कोटी रुपये ठेवण्यात आली आहे. याशिवाय 1 कोटी, 50 लाख, 75 लाख, 40 लाख, 30 लाख आणि 20 लाख रुपयांची मूळ किंमत असलेल्या खेळाडूंचाही या यादीत समावेश आहे.

लिलावात 'या' खेळाडूंवर सर्वाधिक बोली लागण्याची शक्यता 

हॅरी ब्रूक, ट्रेविस हेड, करुण नायर, मनिष पांडे, पॉवेल, रुसो, स्टिव्ह स्मिथ, कोइटजे, पॅट कमिन्स, वानंदु हसरंगा, डॅरेल मिचेल, ओमरजाई, हर्षल पटेल, रचिन रविंद्र, शार्दूल ठाकूर, ख्रिस वोक्स, लॉकी फर्गुसन, जोश हेजलवूड, जोसेफ अल्जारी, मधुशंका, शिवम मावी, चेतन सकारिया, मिचेल स्टार्क, जयदेव उनादकट, उमेश यादव 

कुठे पार पडणार लिलाव?

आयपीएलच्या इतिहासात पहिल्यांदाच लिलाव देशाबाहेर पार पडणार आहे. दुबईतील  कोका कोला एरीना येथे लिलावाचं आयोजन करण्यात आलं आहे.