पहिले अस्वस्थ झाली, मग थेट बोलली; ऋषभ पंतसोबत लग्नाच्या प्रश्नावर उर्वशी रौतेलाने काय उत्तर दिलं?, पाहा Video
उर्वशी रौतेला आणि ऋषभ पंत एकमेकांना डेट करत होते. पण काही कारणास्तव ते वेगळे झाले. दोघांनीही एकमेकांची नावं न घेता बऱ्याच पोस्ट टाकल्या होत्या.
Urvashi Rautela On Marrying Rishab Pant: बॉलिवूड अभिनेत्री उर्वशी रौतेला (Urvashi Rautela) आणि भारतीय क्रिकेट संघाचा खेळाडू आणि दिल्ली कॅपिटल्सचा कर्णधार ऋषभ पंत (Rishabh Pant) यांच्यातील वाद खूप चर्चेत आला होता. वास्तविक, त्यावेळी अनेक मीडिया रिपोर्ट्समध्ये दावा करण्यात आला होता की ऋषभ पंत आणि उर्वशी रौतेला एकमेकांना डेट करत होते. यानंतर ऋषभ पंतने उर्वशी रौतेलाचा नंबर ब्लॉक केल्याचे बोलले जात होते. मात्र, या मुद्द्यावर ऋषभ पंतच्या बाजूने अद्याप कोणतीही प्रतिक्रिया आली नाही. पंरतु आता उर्वशी रौतेलाने पुन्हा एकदा ऋषभ पंतबद्दल तिचं मत व्यक्त केलं आहे.
बॉलीवूड अभिनेत्री उर्वशी रौतेलाचा एक व्हिडीओ सोशल मीडियावर मोठ्या प्रमाणात व्हायरल होत आहे. या व्हायरल व्हिडीओमध्ये उर्वशी रौतेलाला ऋषभ पंतबद्दल काही प्रश्न विचारले. तसेच ऋषभ पंतसोबतच्या लग्नावरही प्रश्न उर्वशीला विचारला गेला. कार्यक्रमाच्या अँकरने उर्वशीला एक नेटकऱ्याची कमेंट वाचून दाखवली. यामध्ये ऋषभ पंत तुझा आदर करतो, तो तुलाही आनंदी ठेवेल, तू त्याच्याशी लग्न केल्यास मला आनंद होईल, अशी कमेंट एक चाहत्याने केली होती. उर्वशीला अँकरने वाचून दाखवल्यानंतर यावर नो कमेंट...असं बोलत उर्वशीने उत्तर दिले. उर्वशीचा हा व्हिडीओ सध्या सोशल मीडियावर मोठ्या प्रमाणात व्हायरल होत आहे. तसेच या व्हिडीओवर विविध प्रतिक्रिया देखील येत आहेत.
Urvashi Rautela talking about comments on marrying Rishabh Pant in a latest podcast 😵
— Riseup Pant (@riseup_pant17) May 3, 2024
Video Credits @filmygyan #ipl pic.twitter.com/1Ps5s3xvk2
दोघांचा वाद सोशल मीडियावर चर्चेत-
उर्वशी आणि ऋषभ पंत एकमेकांना डेट करत होते. पण काही कारणास्तव ते वेगळे झाले. दोघांनीही एकमेकांची नावं न घेता बऱ्याच पोस्ट टाकल्या होत्या. त्यांचा सोशल मीडियावरील शाब्दिक वाद खूप चर्चेत राहिला होता. मात्र, पंतने अनेकदा उर्वशीला ओळखत नसल्याचे सांगितले आहे. सध्या उर्वशी आणि ऋषभ यांच्यात कोणतही नातं नसलं, तरीही फक्त सोशल मीडिया पोस्टमुळे दोघे चर्चेत असतात. उर्वशी कायम सोशल मीडियावर अशा पोस्ट करत असते, ज्यामुळे चाहते तिची पोस्ट ऋषभ पंत याच्यासोबत कनेक्ट करतात.
यंदाच्या हंगामात ऋषभ पंतची चांगली कामगिरी-
ऋषभ पंतची आयपीएलच्या यंदाच्या मोसमातील कामगिरी उत्कृष्ट राहिली आहे. या मोसमात आतापर्यंत ऋषभ पंतने 11 सामन्यात 44 च्या सरासरीने 398 धावा केल्या आहेत. तसेच 3 वेळा पन्नास धावांचा टप्पा ओलांडला आहे. याशिवाय 24 षटकारही मारले आहेत. तुम्हाला सांगूया की नुकतीच टी-20 वर्ल्ड कपसाठी टीम इंडियाची घोषणा करण्यात आली होती. या भारतीय संघात स्थान मिळवण्यात ऋषभ पंत यशस्वी ठरला. मात्र, आता प्रदीर्घ काळानंतर पुन्हा एकदा ऋषभ पंत टीम इंडियाच्या जर्सीत दिसणार आहे.
संबंधित बातम्या:
महत्त्वाच्या बातम्या
ट्रेंडिंग न्यूज
and tablets
