SRH vs DC Match Preview : दिल्ली विरुद्ध हैदराबाद लढत, कुणाचं पारड जड? हेड टू हेड आकडेवारी पाहा...
DC vs SRH IPL 2023 Match 32 Prediction : आयपीएल 2023 च्या आज हैदराबाद (Sunrisers Hyderabad) आणि दिल्ली (Delhi Capitals) या दोन संघामध्ये लढत पाहायला मिळणार आहे.
SRH vs DC Match Preview : आयपीएल 2023 च्या (IPL 2023) आज सनरायजर्स हैदराबाद (Sunrisers Hyderabad) आणि दिल्ली कॅपिटल्स (Delhi Capitals) या दोन संघांमध्ये रणसंग्राम पाहायला मिळणार आहे. 16 व्या हंगामातील 34 वा सामना आज, 24 एप्रिलला हैदराबादच्या घरच्या मैदानावर हा सामना रंगणार आहे. राजीव गांधी इंटरनॅशनल स्टेडिअमवर (Rajiv Gandhi International Cricket Stadium, Hyderabad) संध्याकाळी 7.30 वाजता हा सामना खेळवला जाणार आहे.
DC vs SRH IPL 2023 : हैदराबाद की दिल्ली कोण ठरणार वरचढ?
इंडियन प्रीमियर लीग 2023 च्या 34 व्या सामन्यात आज दिल्ली विरुद्ध हैदराबाद यांच्यात राजीव गांधी स्टेडियमवर होणार आहे. डेव्हिड वॉर्नरच्या नेतृत्त्वात दिल्ली कॅपिटल्स पॉईंट्स टेबलमध्ये सर्वात शेवटी आहे. दिल्लीने यंदाच्या मोसमाची सुरुवात फार उशिरा केली. दिल्ली संघाने सहा पैकी एकच सामना जिंकला आहे. मागील सामन्यात कोलकाता विरुद्ध विजय मिळवून संघाने खातं उघडलं. त्यामुळे दिल्ली आजच्या सामन्यात विजय मिळवून विजयी मार्गावर कायम राहण्याचा प्रयत्न करेल. तर हैदराबाद आतापर्यंत खेळलेल्या सहा सामन्यांपैकी दोन सामने जिंकला आहे. दरम्यान, मागील दोन सामन्यांमध्ये हैदराबादला पराभव पत्करावा लागला आहे.
DC vs SRH Head To Head : हेड टू हेड आकडेवारी
इंडियन प्रीमियर लीग (Indian Premier League) मध्ये सनरायजर्स हैदराबाद (Sunrisers Hyderabad) आणि दिल्ली कॅपिटल्स (Delhi Capitals) या संघांमध्ये आतापर्यंत 21 सामने खेळवण्यात आले आहेत. यामध्ये हैदराबाद संघाचं पारड किंचित जड आहे. हैदराबाद संघाने 21 पैकी 11 सामने जिंकले असून दिल्ली संघाला 10 सामने जिंकता आले आहेत. आजच्या सामन्यात कोण बाजी मारणार याकडे सर्वांचं लक्ष लागलं आहे.
कधी आणि कुठे होणार सामना?
सनरायजर्स हैदराबाद (SRH) आणि दिल्ली कॅपिटल्स (DC) या दोन संघामध्ये 24 एप्रिलला लढत पाहायला मिळणार आहे. हा सामना दिल्लीतील राजीव गांधी इंटरनॅशनल स्टेडिअमवर संध्याकाळी 7.30 वाजता रंगणार आहे. संध्याकाळी 7 वाजता नाणेफेक होईल.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
