KKR vs DC, First innings : पृथ्वी आणि वॉर्नरची अर्धशतकं, शार्दूल-अक्षरची फटकेबाजी, दिल्लीचं कोलकात्यासमोर 216 धावाचं आव्हान

IPL 2022, KKR vs DC : मुंबईतील ब्रेबॉर्न मैदानात पार पडणाऱ्या दिल्ली कॅपिटल्स आणि कोलकाता नाईट रायडर्स सामन्यात दिल्लीने प्रथम फलंदाजी करत 215 धावा स्कोरबोर्डवर लावल्या आहेत.

वॉर्नर आणि पृथ्वी

KKR vs DC, 1 Innings Highlight :  दिल्ली कॅपिटल्स विरुद्ध कोलकाता नाईट रायडर्स (DC vs KKR) या आजच्या सामन्यात दिल्लीने तुफान फटकेबाजीचे दर्शन घडवले. वॉर्नर-पृथ्वीने करुन दिलेल्य़ा चांगल्या सुरुवातीला अखेरच्या षटकात तुफान फलंदाजीचा कळस शार्दूल आणि अक्षरने चढवला. ज्यामुळे दिल्लीने कोलकात्यासमोर 216 धावांचे तगडे लक्ष्य ठेवले आहे.

आयपीएलच्या आजच्या सामन्यात सुरुवातीला नाणेफेक जिंकत केकेआरने गोलंदाजी निवडली. पण दिल्लीच्या फलंदाजांनी केकेआरचा हा निर्णय़ चूकीचा ठरवत एका दमदार खेळीचं दर्शन घडवलं. दिल्लीकडून पृथ्वीने 29 चेंडूत 51 धावांची, तर व़ॉर्नरने 45 चेंडूत 61 धावांची अर्धशतकी खेळी केली. पंतने 27 धावा, तर अखेरच्या काही षटकात अक्षर पटेल (22) आणि शार्दूल ठाकूरने (29) तुफान फटकेबाजी करत संघाचा स्कोर 200 पार पोहोवला. आता केकेआरला विजयासाठी 20 षटकात 216 धावांची गरज आहे. केकेआरकडून नारायणने दोन तर वरुण, रसेल आणि उमेशने प्रत्येकी एक विकेट घेतली. 

दिल्ली कॅपिटल्स अंतिम 11  

ऋषभ पंत (कर्णधार,विकेटकीपर), डेव्हिड वॉर्नर, पृथ्वी शॉ, सरफराज खान, ललित यादव, अक्षर पटेल, शार्दुल ठाकूर, कुलदीप यादव, मुस्तफिझूर रेहमान, ए. नॉर्खिया 

केकेआर अंतिम 11  

अजिंक्य रहाणे, व्यंकटेश अय्यर, श्रेयस अय्यर (कर्णधार), सॅम बिलिंग्ज (विकेटकीपर), नितीश राणा, आंद्रे रसेल, सुनील नारायण, पॅट कमिन्स, उमेश यादव, रसिख सलाम, वरुण चक्रवर्ती.

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha