SRH vs RCB, Head to Head : हैदराबाद आणि बंगळुरुमध्ये रंगणार लढत, अशी आहे आतापर्यंतची आकडेवारी
IPL 2022 : आज पार पडणाऱ्या सनरायजर्स हैदराबाद आणि रॉयल चँलेजर्स बंगळुरु सामन्यापूर्वी दोघांच्या एकमेंकाविरुद्धच्या आतापर्यंतच्या कामगिरीवर एक नजर...
SRH vs RCB : आज मुंबईच्या वानखेडे मैदानात आयपीएलमधील (IPL 2022) सनरायजर्स हैदराबाद आणि रॉयल चँलेजर्स बंगळुरु (SRH vs RCB) हे दोन्ही संघ आमने-सामने असणार आहेत. आजचा हा सामना दोन्ही संघाना पुढील फेरीचं तिकीट मिळवून देण्यासाठी अत्यंत महत्त्वाचा आहे. यंदा हैदराबादने 10 पैकी 5 सामने जिंकत 10 गुण खिशात घातले आहेत. ते सध्या सहाव्या स्थानावर आहे. तर बंगळुरु संघाने 11 पैकी 6 सामने जिंकत 12 गुणांसह चौथं स्थान मिळवलं आहे. तर आजच्या सामन्यापूर्वी दोन्ही संघाच्या आजवरच्या इतिहासावर एक नजर फिरवूया...
हैदराबाद विरुद्ध बंगळुरु Head to Head
आयपीएलमध्ये आजवर सनरायजर्स हैदराबाद आणि रॉयल चँलेजर्स बंगळुरु (sunrisers hyderabad vs Royal challengers bangalore) हे संघ 21 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता हैदराबादचं पारडं जड राहिलं आहे. त्यांनी 12 सामन्यात विजय मिळवला आहे. तर बंगळुरुने 8 सामने जिंकण्यात यश मिळवलं आहे. याशिवाय एक सामना अनिर्णीत सुटला आहे.
आजच्या सामन्यात अशी असू शकते संभाव्य अंतिम 11
हैदराबाद - केन विलियमसन (कर्णधार), अभिषेक शर्मा, राहुल त्रिपाठी, एडन मारक्रम, निकोलस पूरन, शशांक सिंह, सीन एबॉट, भुवनेश्वर कुमार, श्रेयस गोपाल, कार्तिक त्यागी, उमरान मलिक
महत्त्वाच्या बातम्या
ट्रेंडिंग न्यूज
