(Source: ECI/ABP News/ABP Majha)
CSK vs GT, Match Highlights : गुजरातची विजयी मालिका सुरुच, 7 विकेट्सनं चेन्नईवर विजय
IPL 2022 : यष्टीरक्षक रिद्धिमान साहाने नाबाद अर्धशतक ठोकत गुजरातला चेन्नईवर विजय मिळवून दिली आहे.
CSK vs GT : यंदाच्या आयपीएलमध्ये 2022 (IPL 2022) गुणतालिकेत अव्वल स्थानी असणाऱ्या गुजरात टायटन्स संघाने (Gujrat Titans) विजयी मालिका सुरुच ठेवली असून 13 पैकी 10 सामना जिंकत गुणतालिकेत अव्वल स्थान कायम ठेवलं आहे. आजच्या दिवसातील पहिल्या सामन्यात चेन्नईने नाणेफेक जिंकून फलंदाजी निवडली. पण ते केवळ 133 धावाच करु शकले. ज्या धावा तीन गड्यांच्या बदल्यात पूर्ण करत गुजरातने विजयी मालिका कायम ठेवली.
चेन्नईचा कर्णधार एमएस धोनीने नाणेफेक जिंकून प्रथम फलंदाजी करण्याचा निर्णय घेतला. पण गुजरातच्या गोलंदाजांनी केलेल्या भेदक मात्र्यामुळे चेन्नई केवळ 133 धावाचं करु शकली. सामना सुरु होताच काही वेळात मोहम्मद शामीने भन्नाट फॉर्ममध्ये असणाऱ्या कॉन्वेला साहाकरवी झेलबाद केले. कॉन्वे 5 धावा काढून माघारी परतला. कॉन्वे बाद झाल्यानंतर ऋतुराज गायकवाड आणि मोईन अली यांनी चेन्नईचा डाव सावरण्याचा प्रयत्न केला. पण साई किशोर याने मोईन अलीला बाद करत गुजरातला दुसरे यश मिळवून दिले. मोईन अलीने 21 धावांची खेळी केली. त्यानंतर गायकवाडने 49 चेंडूत 53 धावांची खेळी केली. राशिद खान याने गायकवाडचा अडथळा दूर केला. अखेरच्या काही षटकात जगदीशन याने 33 चेंडूत नाबाद 39 धावांची खेळी करत संघाची धावसंख्या 133 धावांपर्यंत नेली. गुजरातकडून मोहम्मद शामीने चार षटाकत फक्त 19 धावा खर्च करत महत्वाच्या दोन विकेट घेतल्या. राशिद खान, अल्झारी जोसेफ, आर साई किशोर यांनी प्रत्येकी एक एक विकेट घेतली. कर्णधार हार्दिक पांड्याने दोन षटके गोलंदाजी केली. हार्दिक पांड्याला एकही विकेट मिळाली नाही. पण दोन षटकात फक्त आठ धावा खर्च केल्या.
महत्त्वाच्या इतर बातम्या
महत्त्वाच्या बातम्या
ट्रेंडिंग न्यूज
