IND vs AFG 2nd T20 : वर्ल्डकपपूर्वी शेवट गोड करण्यासाठी टीम इंडिया मैदानात उतरणार; रोहित शर्मा सुद्धा महारेकाॅर्ड करणार!
IND vs AFG 2nd T20 : भारत आणि अफगाणिस्तान (IND vs AFG) दरम्यान 3 सामन्यांची टी 20 मालिका (T20 Series) खेळवली जात आहे. पहिल्या सामन्यात भारताने दिमाखदार विजय मिळवला होता. मालिकेतील दुसरा सामना आज खेळवण्यात येणार आहे.
IND vs AFG 2nd T20 : भारत आणि अफगाणिस्तान (IND vs AFG) दरम्यान 3 सामन्यांची टी20 मालिका (T20 Series) खेळवली जात आहे. पहिल्या सामन्यात भारताने दिमाखदार विजय मिळवला होता. मालिकेतील दुसरा सामना आज खेळवण्यात येणार आहे. इंदुरच्या होळकर स्टेडियमवर हा सामना खेळवला जाईल. टीम इंडिया (Team India) मालिकेतील दुसरा विजय मिळवत मालिका खिशात घालण्याचा इराद्याने मैदानात उतरणार आहे. मोहालीच्या मैदानावर खेळवण्यात आलेल्या सामन्यात विजय मिळवत. भारताने मालिकेत 1-0 ने आघाडी घेतली होती. आजचा सामना भारतीय वेळेनुसार सायंकाळी 7 वाजता सुरु होणार आहे. टीम इंडियासाठी वर्ल्डकपपूर्वी खेळवली जात असलेली शेवटची टी 20 मालिका आहे.
कोहली 14 महिन्यांनंतर टी 20 सामन्यासाठी मैदानात
मालिकेतील दुसऱ्या सामन्यात भारताचा दिग्गज फलंदाज विराट कोहलीही मैदानात उतरणार आहे. मालिकेतील पहिला सामना कौटुंबिक कारणामुळे तो खेळू शकलेला नव्हता. मात्र, आता तो भारतीय संघाच्या ताफ्यात दाखल झाला आहे. कोहली 14 महिन्यांनंतर टी 20 सामना खेळणार असल्याने सर्वांच्या नजरा त्याच्यावर असणार आहेत.
मैदानावर उतरताच रोहितच्या नावावर होणार विक्रम
आजच्या अफगाणिस्तानविरुद्धच्या सामन्यात सर्वांचे लक्ष कर्णधार रोहित शर्मावर असणार आहे. रोहित शर्मा आज मोठ्या विक्रमांना गवसणी घालणार आहे. रोहित टी 20 फॉरमॅटमध्ये 150 सामने खेळणारा पहिला आंतरराष्ट्रीय खेळाडू ठरणार आहे. रोहितने आत्तापर्यंत 149 सामने खेळले आहेत. रोहितनंतर सर्वाधिका सामने खेळणाऱ्यांच्या यादीत आयर्लंडच्या खेळाडूचा समावेश आहे. पॉल स्टर्लिंगने आंतरराष्ट्रीय क्रिकेटमध्ये 134 सामने खेळले आहेत. त्यानंतर पाकिस्तानच्या शोएब मलिकने 124 तर मार्टिन गुप्टीलने 122 सामने खेळले आहेत.
वर्ल्डकपपूर्वी शेवटची टी 20 मालिका
जून 2024 मध्ये खेळवण्यात येणाऱ्या टी 20 विश्वचषकापूर्वी भारतीय संघ ही शेवटची टी20 मालिका खेळत आहे. यानंतर विश्वचषकातच टीम इंडिया टी 20 सामना खेळताना दिसणार आहे. दरम्यान त्यापूर्वी आयपीएल 2024 चा हंगाम देखील आहे. विश्वचषकासाठी कोणत्या खेळाडूंना संधी मिळते? याकडे सर्वांचे लक्ष आहे. अक्षर पटेल, जितेश शर्मा यांना टी 20 मध्ये स्वत;ला सिद्ध करावे लागणार आहे.
अफगाणिस्तानविरुद्धच्या मालिकेसाठी टीम इंडिया
रोहित शर्मा (कर्णधार), शुभमन गिल, यशस्वी जयस्वाल, विराट कोहली, तिलक वर्मा, रिंकू सिंह, जितेश शर्मा (विकेटकीपर), संजू सॅमसन (विकेटकीपर), शिवम दुबे, वॉशिंगटन सुंदर, अक्षर पटेल, रवी बिश्नोई, कुलदीप यादव, अर्शदीप सिंह, आवेश खान, मुकेश कुमार
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
