Womens Asia Cup Winners : महिला आशिया कपच्या इतिहासात भारतच अव्वल, सात वेळा जिंकलाय चषक, पाहा संपूर्ण यादी
Womens Asia Cup Winners : भारताने महिला आशिया चषक 2022 च्या अंतिम सामन्यात श्रीलंका संघाला मात देत विजय मिळवला आहे. भारताने सातव्यांदा कप जिंकला असून सर्वाधिक वेळा भारतच विजयी झाला आहे.
Womens Asia Cup Winners List : भारत आणि श्रीलंका (India and Sri lanka) या दोन महिला संघामध्ये 2004 साली सुरु झालेला महिला आशिया चषक आता 7 देश खेळताना दिसत आहे. दरम्यान सर्वात पहिल्या अर्थात 2004 च्या आशिया चषकात श्रीलंका संघाला 5-0 ने मात देत भारताने कप जिंकला असून यंदा 2022 मध्येही अंतिम सामन्यात श्रीलंकेला 8 विकेट्सने मात देत भारतीय महिलांनीच आशिया चषक उंचावला आहे. विशेष म्हणजे आजवर झालेल्या आठ एडीशनमध्ये भारताने तब्बल सात वेळा कप जिंकत आपला दमदार वर्चस्व स्पर्धेवर ठेवलं आहे. केवळ एक वर्षी 2018 मध्ये बांग्लादेशने विजय मिळवला असून नेमकी आजवरची यादी कशी आहे, कोणत्या कर्णधाराने भारताला विजय मिळवून दिला आहे.तसंच कोणता संघ उपविजेता राहिला आहे ते पाहूया...
2004 पासून ते 2022 पर्यंत महिला आशिया चषक विजेत्यांची यादी-
| वर्ष | फॉर्मेट | विजेता | निकाल | उपविजेता | ठिकाण |
| 2022 | टी20 | भारत | 8 विकेट्सने भारत विजयी | श्रीलंका | सिल्हेट |
| 2018 | टी20 | बांग्लादेश | 3 विकेट्सने बांग्लादेश विजयी | भारत | क्वॉलालम्पूर |
| 2016 | टी20 | भारत | 17 धावांनी भारत विजयी | पाकिस्तान | बँकॉक |
| 2012 | टी20 | भारत | 18 धावांनी भारत विजयी | पाकिस्तान | गुवानगझु |
| 2008 | एकदिवसीय | भारत | 177 धावांनी भारत विजयी | श्रीलंका | कुरुनेगाला |
| 2006 | एकदिवसीय | भारत | 8 विकेट्सने भारत विजयी | श्रीलंका | जयपूर |
| 2005-06 | एकदिवसीय | भारत | 97 धावांनी भारत विजयी | श्रीलंका | कराची |
| 2004 | एकदिवसीय | भारत | 5-0 च्या फरकाने भारत विजयी | श्रीलंका | कोलंबो |
2004 पासून ते 2022 पर्यंत महिला आशिया चषक विजेत्या कर्णधारांसह मालिकावीरांची यादी-
| वर्ष | विजेता | कर्णधार | प्लेअर ऑफ द मॅच | प्लेअर ऑफ द सिरीज |
| 2022 | भारत | हरमनप्रीत कौर | रेणूका सिंह | दिप्ती शर्मा |
| 2018 | बांग्लादेश | सलमा खातुन | रुमाना अहमद | हरमनप्रीत कौर |
| 2016 | भारत | हरमनप्रीत कौर | मिताली राज | मिताली राज |
| 2012 | भारत | हरमनप्रीत कौर | पुनम राऊत | बिस्मा मारुफ |
| 2008 | भारत | मिताली राज | आशा रावत | रुमेली धार |
| 2006 | भारत | मिताली राज | सुनेत्रा परांजपे | देदूनू सिल्वा |
| 2005-06 | भारत | मिताली राज | मिताली राज | - |
| 2004 | भारत | ममता मेबेन | अंजू जैन | अंजून चोप्रा |
हे देखील वाचा-
महत्त्वाच्या बातम्या
ट्रेंडिंग न्यूज
