Virat Kohli-Premanand Ji Maharaj : कसोटीमधून निवृत्ती घेताच विराट कोहली अनुष्कासोबत प्रेमानंद महाराजांच्या चरणी; पाया पडत म्हणाला...
विराट कोहलीने त्याच्या एका निर्णयाने 140 कोटी भारतीयांना मोठा धक्का दिला. त्याने अचानक कसोटी क्रिकेटला अलविदा म्हटले.
Virat Kohli Anushka Sharma visits Premanand Ji Maharaj : विराट कोहलीने त्याच्या एका निर्णयाने 140 कोटी भारतीयांना मोठा धक्का दिला. त्याने अचानक कसोटी क्रिकेटला अलविदा म्हटले. विराटने त्याच्या इंस्टाग्राम अकाउंटवर एक भावनिक पोस्ट शेअर करून निवृत्तीची घोषणा केली. आता तो फक्त एकदिवसीय स्वरूपात टीम इंडियाकडून खेळताना दिसेल. कसोटीमधून निवृत्ती घेताच विराट कोहली अनुष्का शर्मासोबत प्रेमानंद महाराजांच्या चरणी गेला.
#WATCH मथुरा, उत्तर प्रदेश: #ViratKohli और अनुष्का शर्मा उत्तर प्रदेश के वृंदावन पहुंचे। pic.twitter.com/qkcteEXHSy
— ANI_HindiNews (@AHindinews) May 13, 2025
मंगळवारी सकाळी विराट आणि अनुष्का प्रेमानंद महाराजांचा आशीर्वाद घेण्यासाठी त्यांच्या आश्रमात श्री राधा केलीकुंज येथे गेले. विराट कोहलीला पाहताच प्रेमानंद महाराजांनी फक्त एकच प्रश्न विचारला, 'तू आनंदी आहेस का?' कोहली आणि अनुष्का यांनी संत प्रेमानंदांच्या आश्रमात साडेतीन तासांहून अधिक वेळ घालवला. दोघेही सकाळी सहाच्या सुमारास आश्रमात पोहोचले आणि साडेनऊच्या सुमारास तेथून निघाले. संत प्रेमानंदांना भेटण्यासाठी विराट येण्याची ही पहिलीच वेळ नाही. त्यांनी यापूर्वी जानेवारी 2023 मध्ये या वर्षी जानेवारीमध्येही त्यांची भेट घेतली होती.
सोमवारीच विराट कोहलीने आंतरराष्ट्रीय कसोटी क्रिकेटमधून निवृत्ती घेतली. घोषणेच्या काही मिनिटे आधी, विराट आणि अनुष्का मुंबई विमानतळावर एकत्र दिसले. मंगळवारी प्रेमानंद महाराजांना भेटताना विराट आणि अनुष्का हसत त्याच्यासमोर आले. विराट बसताच प्रेमानंद महाराजांनी विचारले, 'तू आनंदी आहेस का?' यावर विराट हसला आणि म्हणाला, 'हो.'
View this post on Instagram
यावर प्रेमानंद महाराज म्हणाले, 'आनंदी असले पाहिजे.' बघा, संपत्ती किंवा प्रसिद्धी वाढणे ही देवाची कृपा मानली जात नाही. जेव्हा देवाची कृपा असते तेव्हा आतील विचार बदलतात. जेव्हा देव दयाळू असतो आणि आपल्याला साथ देतात. जर दुसरा आशीर्वाद असेल तर तो उलट देतो. ते आतून एक मार्ग देतात की हाच परम शांतीचा मार्ग आहे. जर कधी आपल्यावर संकट आले तर देव आपल्यावर प्रसन्न आहे याचा आनंद घ्या. यंदा मात्र त्यांच्यासोबत त्यांचे मुलं दिसली नाहीत. विराट आणि अनुष्का तल्लीन होऊ त्यांचे सल्ले ऐकताना दिसले.
विराट-अनुष्का आश्रमात जवळपास तीन तास होते...
महाराजांनी कोहली आणि अनुष्काशी बराच वेळ गप्पा मारल्या. कोहली महाराजांचे म्हणणे लक्षपूर्वक ऐकत होता. प्रेमानंद महाराजांना भेटल्यानंतर कोहली आणि अनुष्का खूप आनंदी दिसत होते. दोघांच्याही चेहऱ्यावर समाधानाचे भाव स्पष्ट दिसत होते. विराट कोहली आणि अनुष्का शर्मा श्री राधाकेलीकुंज आश्रमात सुमारे तीन तास राहिले. पण प्रेमानंद महाराजांशी त्यांची खाजगी चर्चा 15 मिनिटे चालली.
महत्त्वाच्या बातम्या
