IND vs BAN: बीसीसीआयकडून मोहम्मद शामीच्या रिप्लेसमेन्टची घोषणा; युवा वेगवान गोलंदाजाचा संघात समावेश
IND Tour Of Bangladesh: ऑस्ट्रेलियातून परतल्यानंतर सराव सत्रादरम्यान मोहम्मद शामीला दुखापत झाल्याची माहिती समोर येत आहे.
IND Tour Of Bangladesh: भारताचा अनुभवी गोलंदाज मोहम्मद शामीला (Mohammed Shami) खांद्याच्या दुखापतीमुळं रविवारपासून सुरू होणाऱ्या बांगलादेशविरुद्धच्या एकदिवसीय मालिकेतून (IND vs BAN ODI Series) वगळण्यात आलंय. त्याच्या जागी भारताचा युवा वेगवान गोलंदाज उमरान मलिकचा (Umran Malik) संघात समावेश करण्यात आलाय, अशी घोषणा बीसीसीयआयनं (BCCI) केलीय. मिळालेल्या माहितीनुसार, ऑस्ट्रेलियातून परतल्यानंतर सराव सत्रादरम्यान मोहम्मद शामीला दुखापत झाल्याची माहिती समोर येत आहे.
"भारताचा वेगवान गोलंदाज मोहम्मद शामीला बांगलादेशविरुद्धच्या एकदिवसीय मालिकेपूर्वीच्या सराव सत्रादरम्यान खांद्याला दुखापत झाली. तो सध्या एनसीए, बेंगळुरू येथे बीसीसीआयच्या वैद्यकीय पथकाच्या देखरेखीखाली आहे आणि तो तीन सामन्यांच्या एकदिवसीय मालिकेत भाग घेऊ शकणार नाही. अखिल भारतीय वरिष्ठ निवड समितीने शमीच्या जागी उमरान मलिकची निवड केली आहे", अशी माहिती बीसीसीआय सचिव जय शाह यांनी प्रसिद्धीपत्रकाद्वारे दिली आहे.
ट्वीट-
🚨 NEWS 🚨: Umran Malik to replace Mohd. Shami in India’s ODI squad for Bangladesh series. #TeamIndia | #BANvIND
— BCCI (@BCCI) December 3, 2022
Details 🔽https://t.co/PsDfHmkiJs
बांगलादेश दौऱ्यासाठी भारताचा एकदिवसीय संघ:
रोहित शर्मा (कर्णधार), केएल राहुल (उपकर्णधार), शिखर धवन, विराट कोहली, रजत पाटीदार, श्रेयस अय्यर, राहुल त्रिपाठी, ऋषभ पंत (विकेटकिपर), इशान किशन (विकेटकिपर), शाहबाज अहमद, अक्षर पटेल , वॉशिंग्टन सुंदर , शार्दुल ठाकूर , मोहम्मद. सिराज, दीपक चहर, कुलदीप सेन, उमरान मलिक.
भारत- बांगलादेश यांच्यातील एकदिवसीय मालिकेचं वेळापत्रक:
| सामना | तारीख | ठिकाण |
| पहिला एकदिवसीय सामना | 04 डिसेंबर 2022 | शेर ए बांग्ला, ढाका |
| दुसरा एकदिवसीय सामना | 07 डिसेंबर 2022 | शेर ए बांग्ला, ढाका |
| तिसरा एकदिवसीय सामना | 10 डिसेंबर 2022 | शेर ए बांग्ला, ढाका |
हे देखील वाचा-
महत्त्वाच्या बातम्या
