एक्स्प्लोर

Team India Next Cricket Schedule: वेस्ट इंडिजविरुद्धची कसोटी मालिका जिंकली; आता रोहित अन् विराट भारतीय संघात परतणार; पाहा टीम इंडियाचे संपूर्ण वेळापत्रक

Team India Next Cricket Schedule: भारत आणि वेस्ट इंडिज यांच्यात दोन सामन्यांची कसोटी मालिका खेळवण्यात आली. या मालिकेत भारताने 2-0 अशा फरकारने मालिका जिंकली.

By : मुकेश चव्हाण | Updated at : 14 Oct 2025 11:54 AM (IST)

Team India Next Cricket Schedule

Source : ABP

Team India Next Cricket Schedule: भारत आणि वेस्ट इंडिज (Ind vs WI) यांच्यात दोन सामन्यांची कसोटी मालिका खेळवण्यात आली. या मालिकेत भारताने 2-0 अशा फरकारने मालिका जिंकली. आता भारत ऑस्ट्रेलिया (India vs Australia) दौऱ्यावर जाणार आहे. क्रिकेटप्रेमींचं रोहित शर्मा (Rohit Sharma) आणि विराट कोहली (Virat Kohli) पुन्हा भारतीय संघाच्या जर्सीत कधी जिंकणार, याकडे सर्वांचं लक्ष लागलं आहे. रोहित शर्मा आणि विराट कोहली ऑस्ट्रेलियाविरुद्धच्या एकदिवसीय मालिकेत खेळताना दिसतील.

विराट कोहली (Virat Kohli) आणि रोहित शर्मा (Rohit Sharma) यांनी टी-20 आणि कसोटी क्रिकेटमधून निवृत्ती घेतली आहे. त्यामुळे रोहित शर्मा आणि विराट कोहली आता फक्त एकदिवसीय क्रिकेट खेळतात. टीम इंडिया ऑक्टोबरमध्ये ऑस्ट्रेलियाला रवाना होईल, जिथे प्रथम तीन सामन्यांची एकदिवसीय मालिका खेळली जाईल. पहिला एकदिवसीय सामना 19 ऑक्टोबर रोजी ऑप्टस स्टेडियमवर खेळला जाईल, जो विराट आणि रोहितच्या पुनरागमनाची संभाव्य तारीख आहे.

भारताचा ऑस्ट्रेलिया दौऱ्याचे वेळापत्रक- (Ind vs Aus Schedule)

पहिला एकदिवसीय सामना: 19 ऑक्टोबर (ऑप्टस स्टेडियम)

दुसरा एकदिवसीय सामना: 23 ऑक्टोबर (अ‍ॅडलेड ओव्हल)

तिसरा एकदिवसीय सामना: 25 ऑक्टोबर (एससी ग्राउंड)

पहिला टी-20: 29 ऑक्टोबर (मनुका ओव्हल)

दुसरा टी-20: 31 ऑक्टोबर (एमसीजी)

तिसरा टी-20: 2 नोव्हेंबर (बेलेरिव्ह ओव्हल)

चौथा टी-20: 6 नोव्हेंबर (हेरिटेज बँक स्टेडियम)

पाचवा टी-20: 8 नोव्हेंबर (गब्बा स्टेडियम)

ऑस्ट्रेलिया दौऱ्यानंतर, टीम इंडिया मायदेशी परतेल, जिथे दक्षिण आफ्रिकेविरुद्ध घरच्या मैदानावर 14 नोव्हेंबरपासून कसोटी मालिका सुरू होईल. त्यानंतर दोन्ही संघांमध्ये एकदिवसीय आणि टी-20 मालिका होईल.

भारतविरुद्ध दक्षिण आफ्रिका दौऱ्याचे वेळापत्रक- (Ind vs SA Schedule)

पहिली कसोटी: 14-18 नोव्हेंबर (ईडन गार्डन्स)

दुसरी कसोटी: 22-26 नोव्हेंबर (एसीए स्टेडियम)

पहिली एकदिवसीय: 30 नोव्हेंबर (जेएससीए इंटरनॅशनल स्टेडियम)

दुसरी एकदिवसीय: 3 डिसेंबर (शहीद वीर नारायण सिंग इंटरनॅशनल स्टेडियम)

तिसरी एकदिवसीय: 6 डिसेंबर (एसीए-व्हीडीसीए क्रिकेट स्टेडियम)

पहिली टी-20: 9 डिसेंबर (बारबती स्टेडियम)

दुसरी टी-20: 11 डिसेंबर (पीसीए स्टेडियम)

तिसरी टी-20: 14 डिसेंबर (एचपीसीए स्टेडियम)

चौथी टी-20: 17 डिसेंबर (एकाना स्टेडियम)

पाचवी टी-20: 19 डिसेंबर (नरेंद्र मोदी स्टेडियम)

दिल्ली कसोटीत टीम इंडियाचा मोठा विजय- (Team India Won vs West Indies Test Series)

वेस्ट इंडिजविरुद्धचा दुसरा कसोटी सामना दिल्लीतील अरुण जेटली मैदानावर खेळवण्यात आला. या सामन्यात नाणेफेक जिंकून प्रथम फलंदाजी करताना टीम इंडियाने यशस्वी जैस्वाल आणि कर्णधार शुभमन गिल यांच्या शतकी खेळीच्या जोरावर 518 धावांचा डोंगर उभारला आणि पहिली डाव घोषित केला. प्रत्युत्तर वेस्ट इंडिजचा पहिला डाव केवळ 248 धावांवर आटोपला. मालिकेत वेस्ट इंडिजची फलंदाजी आतापर्यंत निराशाजनक राहिल्याने भारताने त्यांना फॉलोऑन दिला. मात्र, फॉलोऑन मिळाल्यानंतर वेस्ट इंडिजच्या फलंदाजांनी पुनरागमन करत 390 धावा करत भारतावर आघाडी मिळवली. भारतीय कसोटी इतिहासात ही फक्त चौथी वेळ आहे, जेव्हा टीम इंडियाला प्रतिस्पर्धी संघाने फॉलोऑन देऊन पुन्हा फलंदाजीस उतरायला भाग पाडले. शेवटी वेस्ट इंडिजने भारतासमोर 121 धावांचे लक्ष्य ठेवले, जे टीम इंडियाने सहज गाठत दुसऱ्या कसोटीत 7 गडी राखून विजय मिळवला.