Team India Fixtures 2024-25: टी20 विश्वचषकानंतर टीम इंडिया बांगलादेश, न्यूझीलंड, इंग्लंडविरुद्ध भिडणार; बीसीसीआयने जाहीर केलं वेळापत्रक

Team India Fixtures 2024-25: बीसीसीआयने 2024-2025 हंगामासाठी टीम इंडियाचे वेळापत्रक जाहीर केले आहे.

Team India Fixtures 2024-25 ( Image Source :Team India Fixtures 2024-25 )

Team India Fixtures 2024-25: भारतीय क्रिकेट नियामक मंडळाने (BCCI) 2024-2025 हंगामासाठी टीम इंडियाचे वेळापत्रक (Team India Fixtures) जाहीर केले आहे. टी-20 विश्वचषक स्पर्धेनंतर भारतीय संघ झिम्बाब्वे व श्रीलंकेचा दौरा करणार आहे. त्यानंतर घरच्या मैदानावर बांगलादेश, न्यूझीलंड आणि इंग्लंड यांच्याविरुद्ध एकूण 5 कसोटी सामने, 8 टी-20 सामने आणि 3 वन डे सामने खेळणार आहे. 

कोणासोबत कधी होणार सामने?

बांगलादेश-

भारतीय संघ सप्टेंबर महिन्यात प्रथम बांगलादेशचे यजमानपद भूषवणार आहे. हा दौरा 19 सप्टेंबर ते 12 ऑक्टोबर पर्यंत चालणार आहे. भारत आणि बांगलादेश यांच्यात चेन्नई आणि कानपूर येथे 2 कसोटी सामने होणार आहेत. आणि 6 ते 12 ऑक्टोबर दरम्यान दोन्ही संघ 3 टी-20 सामन्यांमध्ये आमनेसामने येतील. हे 3 टी-20 सामने अनुक्रमे धर्मशाला, दिल्ली आणि हैदराबाद येथे आयोजित केले जातील.

न्यूझीलंड-

बांगलादेशविरुद्धची मालिका संपल्यानंतर 4 दिवसांनी भारतीय संघ न्यूझीलंडसोबत 3 कसोटी सामन्यांच्या मालिकेला सुरुवात करणार आहे. न्यूझीलंडचा संघ 16 ऑक्टोबर ते 1 नोव्हेंबर या कालावधीत भारतासोबत 3 कसोटी सामने खेळणार आहे. पहिला सामना बंगळुरुमध्ये, दुसरा पुण्यात आणि तिसरा कसोटी सामना मुंबईत होणार आहे.

इंग्लंड-

2025 च्या नवीन वर्षात भारतासमोर पहिले आव्हान इंग्लंडचे असेल. इंग्लंडचा भारत दौरा 22 जानेवारीपासून सुरू होईल आणि 12 फेब्रुवारीला संपेल. सुमारे 3 आठवड्यांच्या आत भारत आणि इंग्लंड यांच्यात 5 टी-20 आणि 3 एकदिवसीय सामने खेळवले जातील. या आठही सामन्यांचे यजमानपद आठ वेगवेगळ्या मैदानांवर सोपवण्यात आले आहे.

भारत झिम्बाब्वेविरुद्ध रंगणार मालिका-

या देशांतर्गत हंगामाला सुरुवात होण्यापूर्वी भारतीय संघ झिम्बाब्वे दौऱ्यावर जाणार आहे. T20 विश्वचषक 2024 संपल्यानंतर अवघ्या काही दिवसांनी भारत झिम्बाब्वेला भेट देणार आहे. 6 जुलै ते 14 जुलै दरम्यान दोन्ही संघांमध्ये 5 टी-20 सामने खेळवले जाणार आहेत. या मालिकेसाठी रोहित शर्मा आणि विराट कोहलीसह संघातील अनेक वरिष्ठ खेळाडूंना विश्रांती दिली जाऊ शकते, असे सांगण्यात येत आहे.

🚨 NEWS 🚨

BCCI announces fixtures for #TeamIndia (Senior Men) international home season 2024-25.

All the details 🔽 @IDFCFIRSTBank

— BCCI (@BCCI) June 20, 2024

संबंधित बातम्या: