(Source: ECI/ABP News/ABP Majha)
T20 World Cup 2024: टी-20 विश्वचषकात मोठा उलटफेर; अफगाणिस्तानने न्यूझीलंडला लोळवलं, नेट रनरेट पाहून इतर संघांना फुटला घाम
T20 World Cup 2024: अफगाणिस्तानने प्रथम फलंदाजीत चांगली कामगिरी केली आणि भेदक गोलंदाजी करत न्यूझीलंडचा एकतर्फी पराभव केला.
T20 World Cup 2024: टी-20 विश्वचषक 2024 मध्ये (T20 World Cup 2024) आणखी एक उलटफेर झाला आहे. अफगाणिस्तानने न्यूझीलंडचा (New Zealand vs Afghanistan) 84 धावांच्या मोठ्या फरकाने पराभव केला आहे. कर्णधार राशिद खान, फजल हक फारुकी आणि रहमानउल्ला गुरबाज यांनी अफगाणिस्तानला विजय मिळवून देण्यात महत्त्वपूर्ण योगदान दिले. अफगाणिस्तानने प्रथम फलंदाजीत चांगली कामगिरी केली आणि भेदक गोलंदाजी करत न्यूझीलंडचा एकतर्फी पराभव केला.
रहमानुल्लाह गुरबाजने अफगाणिस्तानकडून सर्वात मोठी खेळी खेळली. गुरबाजने 56 चेंडूत 5 चौकार आणि 5 षटकारांच्या मदतीने 80 धावा केल्या. यानंतर गोलंदाजीत फजलहक फारुकी आणि कर्णधार रशीद खान यांनी भेदक गोलंदाजी करत प्रत्येकी 4 बळी घेत न्यूझीलंडच्या फलंदाजीचे कंबरडे मोडले. टी-20 क्रिकेटमध्ये अफगाणिस्तानने पहिल्यांदाच न्यूझीलंडचा पराभव करत इतिहास रचला. तसेच या विजयासह अफगाणिस्तानचा नेट रनरेट +5.225 वर पोहचला आहे.
Afghanistan put on a clinic with bat and ball against New Zealand to continue their winning momentum 🙌#T20WorldCup | #NZvAFG | 📝 https://t.co/v8noS59c1q pic.twitter.com/du3txa6GL0
— ICC (@ICC) June 8, 2024
न्यूझीलंडने केली सर्वात मोठी चूक-
न्यूझीलंडने नाणेफेक जिंकून गोलंदाजी करण्याचा निर्णय घेतला, ही त्यांची सर्वात मोठी चूक ठरली. प्रथम फलंदाजी करण्यासाठी आलेल्या अफगाणिस्तानने 20 षटकांत 6 गडी गमावून 159 धावा केल्या. गुरबाजशिवाय जद्रानने संघासाठी चांगली खेळी खेळली आणि 41 चेंडूत 3 चौकार आणि 2 षटकारांच्या मदतीने 44 धावा केल्या. त्यानंतर लक्ष्याचा पाठलाग करताना किवी संघ 15.2 षटकांत अवघ्या 75 धावांवर सर्वबाद झाला.
न्यूझीलंडचा संघ 75 धावांवर ऑलआऊट-
160 धावांच्या लक्ष्याचा पाठलाग करताना न्यूझीलंडची सुरुवात खूपच खराब झाली. डावाच्या पहिल्याच चेंडूवर संघाला पहिला धक्का बसला, जेव्हा फझलहक फारुकीने फिन ऍलनला बोल्ड करून गोल्डन डकवर पॅव्हेलियनमध्ये पाठवले. त्यानंतर किवी संघाने तिसऱ्या षटकाच्या चौथ्या चेंडूवर डेव्हॉन कॉनवेच्या रूपाने दुसरी विकेट गमावली. कॉनवेने 10 चेंडूत 1 चौकाराच्या मदतीने 8 धावा केल्या. यानंतर संघाला चौथा धक्का डॅरिल मिशेलच्या रूपाने बसला, ज्याला 5व्या षटकाच्या दुसऱ्या चेंडूवर फजलहक फारुकीने पॅव्हेलियनमध्ये पाठवले. मिचेलला 5 चेंडूत 1 चौकार मारून केवळ 5 धावा करता आल्या. त्यानंतर 7व्या षटकाच्या पहिल्या चेंडूवर केन विल्यमसनच्या रूपाने संघाने चौथी विकेट गमावली. विल्यमसनने 13 चेंडूत 1 चौकाराच्या मदतीने 09 धावा केल्या. त्यानंतर मार्क चॅम्पमन (04) 9व्या षटकाच्या पहिल्या चेंडूवर बाद झाला. चॅम्पमनला राशिद खानने बोल्ड केले. त्यानंतर पुढच्या चेंडूवर मायकेल ब्रेसवेल धाव न करता पॅव्हेलियनमध्ये परतला. त्यानंतर 10व्या षटकाच्या चौथ्या चेंडूवर न्यूझीलंडला सातवा धक्का ग्लेन फिलिप्सच्या रूपाने बसला, ज्याने 18 चेंडूत 2 चौकारांच्या मदतीने 18 धावा केल्या. यानंतर किवी संघाने मिचेल सँटनरच्या (04) रूपाने 8वी विकेट गमावली. सॅन्टनरला मोहम्मद नबीने त्रिफळाचीत केले. त्यानंतर संघाची नववी विकेट 13व्या षटकाच्या शेवटच्या चेंडूवर लॉकी फर्ग्युसनने आणि दहावी विकेट 16व्या षटकाच्या दुसऱ्या चेंडूवर मॅट हेन्रीने घेतली. फर्ग्युसनने 2 धावा (5 चेंडू) आणि हेन्रीने 17 चेंडूत 1 षटकाराच्या मदतीने 12 धावा केल्या.
अफगाणिस्तान गोलंदाजांचा कहर-
अफगाणिस्तानकडून फजलहक फारुकी आणि कर्णधार राशिद खान यांनी प्रत्येकी 4 बळी घेतले. दोन्ही गोलंदाजांनी 17-17 धावा केल्या. फारुकीने 3.2 षटके टाकली असली तरी कर्णधार रशीदने पूर्ण 4 षटके टाकली. मोहम्मद नबीने उर्वरित दोन विकेट घेतल्या. नबीने 4 षटकात 16 धावा दिल्या.
संबंधित बातमी:
महत्त्वाच्या बातम्या
ट्रेंडिंग न्यूज
