(Source: ECI/ABP News/ABP Majha)
Mohammad Shami Jaguar Car : मोहम्मद शमीने विकत घेतली धांसू स्पोर्ट्स कार, दमदार 'जॅग्वार'चे व्हिडीओ केले शेअर
Mohammad Shami: टीम इंडिया आशिया चषकाच्या तयारीत व्यस्त असताना विश्रांतीवर असणारा दिग्गज गोलंदाज मोहम्मद शमीने एक सुपर अशी जॅग्वार स्पोर्ट्स कार खरेदी केली आहे.
Mohammad Shami Jaguar F Type : भारतीय संघ सध्या आशिया चषकाच्या (Asia Cup 2022) तयारीत आहे. या सामन्यांसाठी अनुभवी गोलंदाज मोहम्मद शमी (Mohammad Shami) संघात नसून तो सध्या विश्रांतीवर आहे. दरम्यान अशामध्येच शमीने एक धांसू अशी एक नवी कोरी स्पोर्ट्स कार खरेदी केली आहे. त्याने खरेदी केलेल्या या कारचे काही फोटो आणि व्हिडीओ त्याने शेअर केले आहेत. ही कार प्रसिद्ध ऑटो ब्रँड जॅग्वारची एफ-टाइप ( Jaguar F Type) कार असून याची एक्स शो रूम किंमत 98.13 लाख रुपये इतकी आहे.
शमीने कार विकत घेताना शोरुममधील व्हिडीओ, त्यानंतर ड्राईव्ह करताना असे विविध व्हिडीओ शेअर केले आहेत. सुपर अशी ही कार लाल रंगात अगदी उठून दिसत आहे. या कारमध्ये अनेक वैशिट्ये असून मोहम्मद शमीने ही कार नवी दिल्ली येथील शिवा मोटर्समधून खरेदी केली आहे. शिवा मोटर्सचे डायरेक्टर अमित गर्ग यांनी स्वत: या कारची चावी शमीकडे दिल्याचं दिसून आलं आहे. अमितने यांनीच त्याच्या लिंकडिन अकाउंटवर शमीसोबतचे काही फोटो शेअर केले होते. यावेळी शमीने त्याच्या सहीचा एक व्हाईट चेंडूही अमित यांना भेट म्हणून दिला होता.
View this post on Instagram
View this post on Instagram
View this post on Instagram
काय खास आहे कारमध्ये?
जॅग्वार एफ-टाइप या आलिशान कारची खास गोष्ट म्हणजे ही काही सेंकदात अगदी वेगवान स्पीड घेऊ शकते. ही स्पोर्ट्स कार 3.7 सेकंदात 100 kmph चा वेग पकडू शकते. ही कार टू-सीटर असून 5000 सीसीचं इंजिन या कारमध्ये उपलब्ध आहे. याशिवाय कारमध्ये 8 ऑटोमॅटिक गिअरबॉक्स देखील बसवण्यात आलं आहे.
हे देखील वाचा-
महत्त्वाच्या बातम्या
ट्रेंडिंग न्यूज
