IND vs SA, ODI Series : वेळापत्रकापासून ते संघ, भारत विरुद्ध दक्षिण आफ्रिका मालिकेची A टू Z माहिती एका क्लिकवर

IND vs SA: भारत आणि दक्षिण आफ्रिका यांच्यात तीन सामन्यांची एकदिवसीय मालिका उद्यापासून अर्थात 6 ऑक्टोबरपासून रंगणार आहे.

IND vs SA ODI Series

IND vs SA ODI Series : भारत आणि दक्षिण आफ्रिका (India vs South Africa) यांच्यात नुकतीच टी20 मालिका पार पडली. भारताने अखेरचा टी20 सामना 49 धावांनी गमावल्याने भारत दक्षिण आफ्रिकेला व्हाईट वॉश देऊ शकला नाही. भारताने मालिका 2-1 ने जिंकली असून आता भारत आणि दक्षिण आफ्रिका यांच्या उद्यापासून अर्थात 6 ऑक्टोबरपासून तीन सामन्यांची एकदिवसीय मालिका खेळवली जाणार आहे. या एकदिवसीय सामन्यांच्या मालिकेसाठी भारताने आपला संघ जाहीर केला असून टी-20 विश्वचषक जवळ आला असल्यानं भारतीय संघातील वरिष्ठ खेळाडूंना या मालिकेत विश्रांती दिली गेली आहे. संघाचं नेतृत्त्व शिखर धवनकडे (Shikhar Dhawan) तर उपकर्णधारपद श्रेयस अय्यर (Shreyas Iyer) याच्याकडे दिलं गेलं आहे. तर या मालिकेबद्दलची सर्व माहिती जाणून घेऊ...

दक्षिण आफ्रिकेविरुद्धच्या मालिकेसाठी संघात आयपीएल 2022 गाजवणारे युवा खेळाडू असून कुलदीप यादव, ईशान किशन, श्रेयस अय्यर या सध्या संघाबाहेर असणाऱ्या स्टार खेळाडूंनाही घेण्यात आलं आहे. शिखरनं याआधी वेस्ट इंडीजविरुद्ध एकदिवसीय मालिकेत संघाचं उत्तम नेतृत्व केलं होतं.  टी-20 विश्वचषकात संधी न मिळालेल्या खेळाडूंना या दक्षिण आफ्रिकेविरुद्धच्या एकदिवसीय मालिकेत संधी मिळाल्याचं दिसून येत आहे. तर नेमकी कोणा-कोणाला संधी मिळाली आहे पाहूया...

कसा आहे भारतीय संघ?

शिखर धवन (कर्णधार), श्रेयस अय्यर (उपकर्णधार), ऋतुराज गायकवाड, शुभमन गिल, रजत पाटीदार, राहुल त्रिपाठी, इशान किशन (यष्टीरक्षक), संजू सॅमसन (यष्टीरक्षक), शाहबाज अहमद, शार्दुल ठाकूर, कुलदीप यादव, रवी बिश्नोई, मुकेश कुमार, आवेश खान, मोहम्मद सिराज, दीपक चाहर.

🚨 NEWS 🚨: India’s squad for ODI series against South Africa announced. #TeamIndia | #INDvSA | @mastercardindia

— BCCI (@BCCI) October 2, 2022

भारत-दक्षिण आफ्रिका यांच्यातील एकदिवसीय मालिकेचं वेळापत्रक:

सामना	तारीख	ठिकाण
पहिला एकदिवसीय सामना	6 ऑक्टोबर 2022	लखनौ
दुसरा एकदिवसीय सामना	9 ऑक्टोबर 2022	रांची
तिसरा एकदिवसीय सामना	11 ऑक्टोबर 2022	दिल्ली

हे देखील वाचा-