Ind vs Ban 1st Test Live : बांगलादेशने जिंकली नाणेफेक; लाल मातीच्या खेळपट्टीत, रोहितने 3 वेगवान गोलंदाज अन् 2 फिरकीपटूंना दिली संधी
India vs Bangladesh 1st Test Day 1 : भारत आणि बांगलादेश यांच्यात 2 सामन्यांच्या कसोटी मालिकेतील पहिला सामना चेन्नईत खेळला जात आहे.
India vs Bangladesh LIVE 1st Test Day 1 : भारत आणि बांगलादेश यांच्यात 2 सामन्यांच्या कसोटी मालिकेतील पहिला सामना चेन्नईत खेळला जात आहे. बांगलादेशचा कर्णधार नझमुल हुसेन शांतोने नाणेफेक जिंकून प्रथम गोलंदाजी करण्याचा निर्णय घेतला आहे. बांगलादेशने संघात कोणताही बदल केलेला नाही. बांगलादेशने 3 वेगवान गोलंदाजांसह जाण्याचा निर्णय घेतला आहे. चेन्नईतील या लाल मातीच्या खेळपट्टीत भारत 3 वेगवान गोलंदाज आणि 2 फिरकी गोलंदाजांसह मैदानात उतरणार आहे. जसप्रीत बुमराह, आकाशदीप, मोहम्मद सिराज, अश्विन आणि जडेजा यांचा भारतीय प्लेइंग-11 मध्ये समावेश करण्यात आला आहे.
या सामन्यातून ऋषभ पंत प्रदीर्घ कालावधीनंतर पुनरागमन करत आहे. 2022 मध्ये झालेल्या भीषण कार अपघातात जखमी झाल्यानंतर पंत पहिल्यांदाच कसोटी क्रिकेट खेळताना दिसणार आहे. तो 632 दिवसांनंतर कसोटी क्रिकेटमध्ये पुनरागमन करणार आहे. वर्ल्ड टेस्ट चॅम्पियनशिप 2023-25 च्या दृष्टिकोनातून टीम इंडियासाठी ही मालिका खूप महत्त्वाची आहे. 74 गुण आणि 68.52 पीसीटीसह भारत WTC गुणतालिकेत पहिल्या स्थानावर कायम आहे. ऑस्ट्रेलिया 90 गुण आणि 62.50 पीसीटीसह दुसऱ्या स्थानावर आहे.
🚨 Here's our Playing XI 🔽
— BCCI (@BCCI) September 19, 2024
Follow The Match ▶️ https://t.co/jV4wK7BOKA #TeamIndia | #INDvBAN | @IDFCFIRSTBank pic.twitter.com/0WoiP87k7p
दोन्ही संघांचे प्लेइंग-11 खालीलप्रमाणे -
भारतीय संघाची प्लेइंग इलेव्हन : रोहित शर्मा (कर्णधार), यशस्वी जैस्वाल, शुभमन गिल, विराट कोहली, केएल राहुल, ऋषभ पंत (यष्टीरक्षक), रवींद्र जडेजा, रविचंद्रन अश्विन, जसप्रीत बुमराह, आकाश दीप, मोहम्मद सिराज.
बांगलादेश संघाची प्लेइंग इलेव्हन : शादमान इस्लाम, झाकीर हसन, नझमुल हुसेन शांतो (कर्णधार), मोमिनुल हक, मुशफिकुर रहीम, शकीब अल हसन, लिटन दास (यष्टीरक्षक), मेहदी हसन मिराज, तस्किन अहमद, हसन महमूद, नाहिद राणा.
लाल मातीची खेळपट्टी
लाल मातीची खेळपट्टी कमी पाणी शोषून घेते आणि त्यामुळे ती लवकर कोरडे होते. तुमच्या लक्षात आले असेल की, कसोटी सामन्यांच्या तिसऱ्या आणि चौथ्या दिवसापर्यंत खेळपट्टीमध्ये मोठी भेगा पडतात, कारण लाल माती कोरड्या स्वभावामुळे लवकर फुटू लागते.
लाल मातीच्या खेळपट्टीवर सामन्याच्या सुरुवातीला वेगवान गोलंदाजांना भरपूर उसळी मिळते, पण मातीला तडे जाऊ लागल्याने फिरकी गोलंदाजीमध्ये अधिक वळण दिसून येते. पहिल्या 2 दिवसात फलंदाजांचे वर्चस्व राहण्याची शक्यता आहे, परंतु शेवटच्या 2-3 दिवसांत फिरकी गोलंदाजांचे वर्चस्व सुरू होते.
महत्त्वाच्या बातम्या
ट्रेंडिंग न्यूज
