Ind vs WI, 2nd T20 Live Blog : आज भारतीय संघ वेस्ट इंडीजविरुद्ध टी20 सामना खेळण्यासाठी मैदानात उतऱणार आहे. भारत आणि वेस्ट इंडीज (India vs West Indies) यांच्यात पाच सामन्यांच्या टी20 मालिकेत भारताने एक सामना जिंकल्यामुळे आजचा सामना जिंकून मालिकेतील आघाडी वाढवण्याचा भारताचा प्रयत्न असून वेस्ट इंडीज बरोबरी करण्यासाठी मैदाणात उतरणार आहे. दरम्यान आजचा सामना होणाऱ्या मैदानात भारत पहिलाच सामना खेळत आहे. दुसरीकडे वेस्ट इंडीजने मात्र याठिकाणी 10 आंतरराष्ट्रीय सामने खेळले असून त्यातील 6 जिंकले देखील आहेत.याशिवाय दोन सामन्यात त्यांना पराभव पत्करावा लागला असून दोन सामने अनिर्णीत राहिले आहेत. वॉर्नर पार्कमध्ये फलंदाजी करणं काहीसं अवघड असल्याने चेस करणाऱ्या संघाला अधिक फायदा होत असल्याचं दिसून आलं आहे. तसंच गोलंदाजांना अधिक मदत या पिचवर मिळत असल्याने आज देखील नाणेफेक जिंकणार संघ प्रथम गोलंदाजी निवडण्याची शक्यता अधिक आहे.

आज पार पडणारा हा सामना आधी 8 वाजता सुरु होणार होता. पण आता सामन्याच्या वेळेत बदल करण्यात आला आहे. सामना आता दोन तास उशीराने म्हणजे भारतीय वेळेनुसार रात्री 10 वाजता सुरु होणार आहे. सामना होणाऱ्या ठिकाणी भारतीय संघ पोहोचला असला तरी त्यांचं सामान उशीराने पोहोचल्याने वेळेत बदल झाला आहे, अशी माहितीही समोर येत आहे.

भारतीय संघ - रोहित शर्मा (कर्णधार), सूर्यकुमार यादव, श्रेयस अय्यर, ऋषभ पंत (विकेटकिपर), रवींद्र जाडेजा, हार्दीक पांड्या,दिनेश कार्तिक, आवेश खान, रवीचंद्रन आश्विन, भुवनेश्वर कुमार, आणि अर्शदीप सिंह

वेस्ट इंडीज संघ - काइल मेयर्स, ब्रँडन किंग, निकोलस पूरन (कर्णधार), जेसन होल्डर, शिमरॉन हेटमायर, रोव्हमन पॉवेल, ओडेन स्मिथ, ओबेद मकॉय, डेवॉन थॉमस, अल्झारी जोसेफ, अकेल हुसेन.

हे देखील वाचा-

Commonwealth Games 2022 : अमित पाठोपाठ मोहम्मद हुसामुद्दीनही उपांत्यपूर्व फेरीत, बांग्लादेशच्या बॉक्सरला मात देत मिळवला प्रवेश

CWG 2022: कॉमनवेल्थ स्पर्धेतील पदकतालिकेत भारताची मोठी झेप; तिसऱ्या दिवशीही भारतीय खेळाडूंचं दमदार प्रदर्शन

02:28 AM (IST) • 02 Aug 2022