IND vs NZ 3rd ODI LIVE Updates: भारत आणि न्यूझीलंड (India vs New Zealand) यांच्यात आज क्राइस्टचर्च (Christchurch) येथील हॅग्ले ओव्हल (Hagley Oval) येथे तिसरा एकदिवसीय सामना खेळला जाणार आहे. भारतीय वेळेनुसार, सकाळी सात वाजता या सामन्याला सुरुवात होईल. दरम्यान, तीन सामन्यांच्या एकदिवसीय मालिकेत न्यूझीलंडचा संघ 1-0 नं आघाडीवर आहे. मालिकेत बरोबरी साधण्यासाठी भारताला कोणत्याही परिस्थितीत हा सामना जिंकणं गरजेचं आहे. महत्वाचं म्हणजे, आजच्या सामन्यात पाऊस न्यूझीलंडच्या बाजूनं बॅटींग करू शकतो. कारण, आजचा सामना रद्द झाल्यास न्यूझीलंडच्या संघाला मालिका विजयी म्हणून घोषित केलं जाईल.

पहिल्या एकदिवसीय सामन्यात प्रथम फलंदाजी करताना भारतीय संघानं न्यूझीलंडसमोर 307 धावांचं लक्ष्य ठेवलं होतं. त्यानंतर टॉम लॅथमचे नाबाद शतक आणि केन विल्यमसनच्या 94 धावांच्या खेळीमुळ किवी संघानं हा सामना सहज जिंकला. या सामन्यात भारताकडून श्रेयस अय्यरनं 80 धावांची खेळी केली. याशिवाय, कर्णधार शिखर धवन आणि शुभमन गिल यांच्या बॅटमधून अर्धशतक झळकली. त्यानंतर दुसरा एककदिवसीय सामना पावसामुळं रद्द करण्यात आला .

हेड टू हेड रेकॉर्ड
भारत-न्यूझीलंड यांच्यात आतापर्यंत 112 आंतरराष्ट्रीय एकदिवसीय सामने खेळण्यात आले. यापैकी 55 सामने भारतानं जिंकले आहेत. तर, न्यूझीलंडच्या संघाला 50 सामन्यात विजय मिळवता आला आहे. न्यूझीलंडच्या मैदानावर भारताला 26 वेळा पराभव स्वीकारावा लागला होता.

भारत-न्यूझीलंड यांच्यातील तिसरा एकदिवसीय सामना कधी, कुठं पाहायचा?
भारत आणि न्यूझीलंड यांच्यातील तिसरा आणि अखरेचा एकदिवसीय सामना आज हॅग्ले ओव्हल येथे खेळवला जाईल. . भारतीय वेळेनुसार, सकाळी सात वाजता सामन्याला सुरुवात होईल. यापूर्वी अर्धातास नाणेफेक होईल. भारत आणि न्यूझीलंड यांच्यातील लाईव्ह सामना डीडी स्पोर्ट्सवर पाहता येईल. तसेच या सामन्याचे लाईव्ह स्ट्रिमिंग अमेझॉन प्राईमवर पाहता येणार आहे. मात्र, यासाठी तुमच्याकडं सबस्क्रिप्शन असणं आवश्यक आहे. याशिवाय, भारत आणि न्यूझीलंड यांच्यातील एकदिवसीय मालिकेच्या संबंधित बातम्या जाणून घेण्यासाठी https://marathi.abplive.com वर भेट देऊ शकतात.

संभाव्य प्लेईंग इलेव्हन-

भारत:
शिखर धवन (कर्णधार), शुभमन गिल, श्रेयस अय्यर, ऋषभ पंत (विकेटकीपर), सूर्यकुमार यादव, दीपक हुडा, वॉशिंग्टन सुंदर, दीपक चहर, उमरान मलिक, अर्शदीप सिंह/शार्दुल ठाकूर, युजवेंद्र चहल/कुलदीप यादव.

न्यूझीलंड:
केन विल्यमसन (कर्णधार), मायकेल ब्रेसवेल, डेरी मिशेल, जिमी नीशम, मिचेल सँटनर, फिन ऍलन, ड्वेन कॉन्वे, टॉम लॅथम, ग्लेन फिलिप्स, लॉकी फर्ग्युसन, मॅट हेन्री, अॅडम मिल्ने, टिम साउथी.

हे देखील वाचा-