बाबर आझमची बादशाहत लवकरच संपुष्टात येणार, शुभमन गिल फक्त दोन पावले दूर
ICC ODI Ranking : विश्वचषक 2023 मध्ये सुरू असलेल्या घमासानमध्ये ICC ने खेळाडूंची अपडेटेड एकदिवसीय क्रमवारी जाहीर केली आहे.
ICC ODI Ranking : विश्वचषक 2023 मध्ये सुरू असलेल्या घमासानमध्ये ICC ने खेळाडूंची अपडेटेड एकदिवसीय क्रमवारी जाहीर केली आहे. अव्वल फलंदाजांच्या क्रमवारीत कमालीची उसळण झाली आहे. अशा स्थितीत प्रथम क्रमांकासाठी स्पर्धा अधिक रंजक बनली आहे. याचाच अर्थ वर्ल्डकपमध्ये चाचपडत असलेल्या पाकिस्तानचा कर्णधार बाबर आझमची वनडे क्रमवारीतील प्रथम क्रमाकाची राजवट संपुष्टात येताना दिसत आहे. बाबर आझम आणि शुभमन गिल यांच्यातील अंतर आता आणखी कमी झालेय. दोघांमध्ये फक्त दोन गुणांचे अंतर शिल्लक आहे. बाबर आझम 818 गुणांसह पहिल्या स्थानावर आहे तर शुभमन गिल 816 गुणांसह दुसऱ्या स्थानावर आहे.
2023 च्या विश्वचषक स्पर्धेत बाबर आझमची बॅट शांतच आहे. त्याचप्रमाणे नंबर दोनवर असलेल्या शुभमन गिल यालाही अद्याप मोठी कामगिरी करता आलेली नाही. त्याचीही बॅट अजूनही शांतच आहे. मात्र, या दोघांमध्ये केवळ 2 गुणांचे अंतर आहे. त्यामुळे आगामी सामन्यात गिल याने मोठी खेळी केल्यास बाबर आझमची बादशाहत संपुष्टात येऊ शकते.
टॉप 10 मध्ये तीन भारतीय -
आयसीसी वनडे क्रमवारीत आघाडीच्या 10 खेळाडूंमध्ये तीन भारतीय फलंदाजांचा समावेश आहे. युवा शुभमन गिल, कर्णधार रोहित शर्मा आणि विराट कोहली... टॉप 10 मध्ये आहेत. रोहित शर्मा पाचव्या क्रमांकावर पोहचलाय तर विराज सातव्या स्थानावर आहे. लोकेश राहुल 20 व्या स्थानावर विराजमान आहे.
डी कॉक, वॉर्नर आणि क्लासेनही शर्यतीत
बाबर आझम आयसीसी एकदिवसीय फलंदाजी क्रमवारीत 818 रेटिंग गुणांसह पहिल्या क्रमांकावर आहे. शुभमन गिल (816) बाबरपेक्षा फक्त 2 गुणांनी मागे आहे. या दोघांसमोर दक्षिण आफ्रिकेच्या जोडीचे कडवे आव्हान आहे. या विश्वचषकात 4 शतके झळकावल्यानंतर क्विंटन डी कॉक 765 रेटिंग गुणांसह तिसऱ्या स्थानावर पोहोचला आहे. त्याचवेळी हेनरिक क्लासेन (741) मोठ्या खेळीमुळे सहाव्या स्थानावर आला आहे. डेविड वॉर्नर 761 गुणांसह चौथ्या क्रमांकावर आहे.
आघाडीचे दहा फलंदाज -
बाबर आझम, पाकिस्तान
शुभमन गिल, भारत
क्विंटन डि कॉक, दक्षिण आफ्रिका
डेविड वॉर्नर, ऑस्ट्रेलिया
रोहित शर्मा, भारत
हेनरिक क्लासेन, दक्षिण आफ्रिका
विराट कोहली, भारत
हेरी टॅक्टॉर, आयर्लंड
रासी वॅन डर डुसेन दक्षिण आफ्रिका
डेविड मलान, इंग्लंड
आयसीसी क्रमवारीतील आघाडीचे 12 गोलंदाज -
शाहीन आफ्रिदी, पाकिस्तान - 673 रेटिंग गुण
जोश हेजलवूड, ऑस्ट्रेलिया - 663 रेटिंग गुण
मोहम्मद सिराज, भारत - 656 रेटिंग गुण
केशव महाराज, दक्षिण आफ्रिका - 651 रेटिंग गुण
ट्रेंट बोल्ट, न्यूझीलंड - 649 रेटिंग गुण
राशीद खान, अफगाणिस्तान - 648 रेटिंग गुण
कुलदीप यादव, भारत - 646 रेटिंग गुण
मुजीब आर रेहमान, अफगाणिस्तान - 641 रेटिंग गुण
अॅडम झम्पा, ऑस्ट्रेलिाय - 637 रेटिंग गुण
मोहम्मद नबी, अफगाणिस्तान - 631 रेटिंग गुण
जसप्रीत बुमराह, भारत - 629 रेटिंग गुण
मॅट हेनरी, न्यूझीलंड - 619 रेटिंग गुण
महत्त्वाच्या बातम्या
ट्रेंडिंग न्यूज
