Champions Trophy 2025 : मोठी अपडेट; पाकिस्तानला 440 व्होल्टचा धक्का; ICC चॅम्पियन्स ट्रॉफीचे यजमानपद घेणार हिसकावून?
आतापर्यंत पाकिस्तान आयसीसी चॅम्पियन्स ट्रॉफी 2025 च्या यजमानपदावर मोठे दावे करत होता.
Pakistan to lose ICC Champions Trophy 2025 Hosting Rights : आतापर्यंत पाकिस्तान आयसीसी चॅम्पियन्स ट्रॉफी 2025 च्या यजमानपदावर मोठे दावे करत होता. आता एक नवीन अहवाल समोर आला आहे की आंतरराष्ट्रीय क्रिकेट परिषद चॅम्पियन्स ट्रॉफीचे यजमानपद पाकिस्तानकडून काढून घेऊ शकते. आता आयसीसी या स्पर्धेचे आयोजन दुसऱ्या देशात करू शकते. वृत्तानुसार, स्पर्धा दुबई, दक्षिण आफ्रिका किंवा श्रीलंका येथे हलवण्याचा पर्यायही खुला ठेवण्यात आला आहे.
आयसीसीने स्वतःसमोर तीन पर्याय ठेवले आहेत. पहिला पर्याय म्हणजे संपूर्ण स्पर्धा पाकिस्तानात आयोजित करणे. दुसरा पर्याय म्हणजे हायब्रीड मॉडेल, जे पाकिस्तान क्रिकेट बोर्डाचे (पीसीबी) अधिकारी स्वीकारण्यास नकार देत आहेत. हायब्रीड मॉडेल अंतर्गत, फक्त भारताचे सामने इतरत्र आयोजित केले जातील, उर्वरित सामने पाकिस्तानमध्ये होतील. तिसरा पर्याय म्हणजे संपूर्ण टूर्नामेंट पाकिस्तानमधून दुसऱ्या देशात हलवणे, ज्यासाठी दक्षिण आफ्रिका, यूएई आणि श्रीलंका यांची नावे पुढे आली आहेत.
CHAMPIONS TROPHY EXCLUSIVE BREAKING NEWS
— Vikrant Gupta (@vikrantgupta73) October 9, 2024
The ICC is now looking at a third option of moving the entire Champions Trophy out of Pakistan (in Dubai, Lanka or South Africa) other than the two: the original one of playing it in Pakistan and the second one of a Hybrid model -…
पीसीबीच्या आशांना धक्का
असे सांगितले जात आहे की, हायब्रीड मॉडेल स्वीकारण्याची अपेक्षा सर्वाधिक आहे, तरीही आयसीसी या तिन्ही पर्यायांसाठी बजेट तयार करण्याचा विचार करत आहे. अशा परिस्थितीत भारताच्या सामन्यांव्यतिरिक्त इतर सर्व सामने पाकिस्तानमध्ये होणार आहेत. ही संपूर्ण स्पर्धा पाकिस्तानबाहेर इतर कोणत्याही देशात आयोजित करणे सोपे नाही, परंतु पीसीबीसाठी ही चांगली बातमी नाही.
नोव्हेंबरच्या मध्यापर्यंत या विषयावर कोणतीही स्पष्ट घोषणा होण्याची शक्यता कमी आहे. दरम्यान, भारत सरकारनेही चॅम्पियन्स ट्रॉफीसाठी टीम इंडियाला पाकिस्तानला पाठवण्याबाबत आपली भूमिका स्पष्ट केलेली नाही. एकूणच, भारत चॅम्पियन्स ट्रॉफीमधून बाहेर जाऊ नये यासाठी आयसीसीही जोरदार प्रयत्न करत आहे.
हे ही वाचा -
इशान किशनचा उतरला माज! टीम इंडियात येण्यासाठी असेल आता शेवटची संधी; 'या' संघाचे करणार नेतृत्व
Mohammed Shami : पहिल्या 2 सामन्यांसाठी संघाची घोषणा; मुकेश कुमारला मिळाली संधी, मोहम्मद शमी बाहेर
महत्त्वाच्या बातम्या
ट्रेंडिंग न्यूज
