हार्दिक पांड्याने 'श्रीवल्ली' गाण्यावर आजीसह केला डान्स; सोशल मीडियावर व्हिडीओ व्हायरल

Hardik Pandya Natasha Stankovic Divorce: हार्दिक पांड्या आणि नताशाच्या या निर्णयानंतर गेल्या काही दिवसांपासून दोघंही सोशल मीडियावर कायम चर्चेत आहेत.

Hardik Pandya Divorce

Source : Hardik Pandya Divorce

Hardik Pandya Natasha Stankovic Divorce: टीम इंडियाचा अष्टपैलू खेळाडू हार्दिक पांड्या (Hardik Pandya) आणि पत्नी नताशा स्टॅनकोविकने (Natasha Stankovic) यांनी एकमेकांपासून विभक्त होण्याचा निर्णय घेतला. 18 जुलै रोजी सोशल मीडियावर पोस्ट करत हार्दिक पांड्या आणि नताशा स्टॅनकोविकने घटस्फोट घेत असल्याची माहिती दिली.

हार्दिक पांड्या आणि नताशाच्या या निर्णयानंतर गेल्या काही दिवसांपासून दोघंही सोशल मीडियावर कायम चर्चेत आहेत. याचदरम्यान हार्दिक पांड्याच्या एक व्हिडीओ सोशल मीडियावर सध्या व्हायरल होत आहे. हार्दिक पांड्या पुष्पा चित्रपटातील श्रीवल्ली गाण्यावर नाचताना दिसत आहे. हार्दिक पांड्यासोबत त्याची आजी देखील नाचताना दिसत आहे. सदर व्हिडीओ हार्दिक पांड्याने 26 जानेवारी 2022 रोजी सोशल मीडियावर शेअर केला होता. मात्र हार्दिक पांड्या आणि नताशाच्या घटस्फोटानंतर हा व्हिडीओ आता व्हायरल होत आहे. या व्हिडीओसह 'आमची पुष्पा आजी', असंही म्हटलं आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Hardik Himanshu Pandya (@hardikpandya93)

हार्दिक पांड्याच्या चुकीची शिक्षा नताशा भोगतेय?

रेडिटवरील एका पोस्टद्वारे हार्दिक आणि नताशाचं घटस्फोटाचं कारण जाणून न घेता नेटकऱ्यांनी नताशाला दोष देण्यास सुरुवात केली आहे. मात्र यामध्ये हार्दिक पांड्याची चुकी आहे, असा दावाही करण्यात आला आहे. हार्दिक पांड्याचे विवाहबाह्य संबंध होते आणि हेच घटस्फोटामागील महत्वाचं कारण ठरलंय. सदर पोस्ट करणाऱ्याने म्हटलंय की, नताशासोबत लग्न झाल्यानंतर हार्दिक पांड्याने सर्व जुन्या सवयी सोडल्या होत्या. मात्र 2023 पासून हार्दिकने इतर मुलींसाठी नताशाची फसवणूक सुरु केली. यावेळी नताशाने हार्दिक पांड्याला रंगेहाथ पकडलं आणि खऱ्या अडचणी सुरु झाल्या.  यानंतर दोघांनीही एकमेकांची बदनामी न करता शांततेत घटस्फोट घेण्याचा निर्णय घेतला. ही माहिती मला त्यांच्यासोबत राहणाऱ्या आणि काम करणाऱ्या व्यक्तीने दिली, असा दावाही या पोस्टद्वारे करण्यात आला आहे.

हार्दिक पांड्याने टी-20 विश्वचषकात दाखवली आपली ताकद...

अलीकडेच भारतीय संघाने रोहित शर्माच्या नेतृत्वाखाली टी-20 विश्वचषक जिंकला. अशाप्रकारे भारतीय संघाने दुसऱ्यांदा टी-20 विश्वचषक जिंकला. टीम इंडियाच्या विजयात अष्टपैलू हार्दिक पांड्याचे महत्त्वाचे योगदान होते. फलंदाजीसोबतच गोलंदाजीतही या खेळाडूने आपली ताकद दाखवली. विशेषत: हार्दिक पंड्याने दक्षिण आफ्रिकेविरुद्धच्या अंतिम सामन्यात आपल्या शानदार गोलंदाजीने सामन्याचे चित्र बदलून टाकले. 

चार वर्षांचा संसार मोडला-

हार्दिक पांड्याने 31 मे 2020 रोजी मॉडेल-अभिनेत्री नताशा स्टॅनकोविकशी लग्न केले होते. दोघांनी त्याच वर्षी 30 जुलै रोजी मुलाला जन्म दिला. लग्नाच्या जवळपास तीन वर्षांनी हार्दिक आणि नताशाने फेब्रुवारी 2023 मध्ये उदयपूरमध्ये मोठ्या थाटामाटात पुन्हा लग्न केले. व्हॅलेंटाईन डेच्या निमित्ताने उदयपूरमधील डेस्टिनेशन वेडिंगमध्ये या जोडप्याने त्यांच्या लग्नाच्या विधींची पुनरावृत्ती केली. यावेळी जवळचे मित्र आणि कुटुंबातील सदस्य सहभागी झाले होते. 14 फेब्रुवारी रोजी ख्रिश्चन रितीरिवाजांनुसार लग्नाचे विधी पार पडले होते. एका दिवसानंतर दोघांनी हिंदू रितीरिवाजांनुसार लग्न केले होते.

संबंधित बातमी: