हार्दिक पांड्यासोबतच्या घटस्फोटानंतर नताशाची पहिली पोस्ट; भारताबाहेर गेल्यावर काय करतेय?

Hardik Pandya Natasha Stankovic Divorce News Marathi: घटस्फोटाबाबत माहिती देण्याआधी नताशा भारतसोडून परदेशी रवाना झाली होती. तिच्यासोबत मुलगा अगस्त्य देखील होता.

Hardik_Pandya_Natasha_Divorce

Source : Hardik_Pandya_Natasha_Divorce

Hardik Pandya Natasha Stankovic Divorce: टी-20 विश्वविजेतेपदाचा हिरो ठरलेल्या हार्दिक पांड्याचे (Hardik Pandya) खासगी आयुष्य मागील काही दिवसांपासून सोशल मीडियावर प्रचंड चर्चेत होते. पत्नी नताशा स्टॅनकोविकने (Natasha Stankovic) मध्यंतरी लग्नाचे फोटो डिलीट केल्यापासूनच दोघांच्या घटस्फोटाच्या चर्चाना उधाण आले. गुरुवारी हार्दिकने आपल्या इन्स्टाग्राम अकाउंटवर एक पोस्ट लिहीत चर्चावर शिक्कामोर्तब केले आहे. हार्दिक व नताशाने चार वर्षांनी आपले नाते संपवले आहे.

घटस्फोटाबाबत माहिती देण्याआधी नताशा भारतसोडून परदेशी रवाना झाली होती. तिच्यासोबत मुलगा अगस्त्य देखील होता. हार्दिक पांड्याने घटस्फोटाची सोशल मीडियावर पोस्ट केल्यानंतर नताशाने इन्स्टाग्रामवर पहिल्यांदाच पोस्ट केली आहे. नताशी नेहमीप्रमाणे व्यायाम करण्यासाठी जीममध्ये गेल्याचं दिसून येत आहे.

चार वर्षांचा संसार मोडला-

हार्दिक पांड्याने 31 मे 2020 रोजी मॉडेल-अभिनेत्री नताशा स्टॅनकोविकशी लग्न केले होते. दोघांनी त्याच वर्षी 30 जुलै रोजी मुलाला जन्म दिला. लग्नाच्या जवळपास तीन वर्षांनी हार्दिक आणि नताशाने फेब्रुवारी 2023 मध्ये उदयपूरमध्ये मोठ्या थाटामाटात पुन्हा लग्न केले. व्हॅलेंटाईन डेच्या निमित्ताने उदयपूरमधील डेस्टिनेशन वेडिंगमध्ये या जोडप्याने त्यांच्या लग्नाच्या विधींची पुनरावृत्ती केली. यावेळी जवळचे मित्र आणि कुटुंबातील सदस्य सहभागी झाले होते. 14 फेब्रुवारी रोजी ख्रिश्चन रितीरिवाजांनुसार लग्नाचे विधी पार पडले होते. एका दिवसानंतर दोघांनी हिंदू रितीरिवाजांनुसार लग्न केले होते.

हार्दिक आणि नताशाने पोस्टद्वारे काय म्हणाले?

'चार वर्षे एकत्र राहिल्यानंतर अखेरीस मी आणि नताशाने या नात्याला विराम देण्याचे ठरवले आहे. एकमेकांपासून वेगळे होण्याचा निर्णय घेण्याआधी आम्ही हे नाते वाचविण्याचा सर्वतोपरी प्रयत्न केला पण आता वाटतेय की हा निर्णय आमच्या दोघांच्या हिताचा आहे. आमच्या कुटुंबात आम्ही एकत्र अनुभवलेला आनंद व एकमेकांबद्दलचा आदर कायम स्मरणात असेल त्यामुळेच हा निर्णय घेणे कठीण होते. आम्हाला अगस्त्यच्या रूपात आशीर्वादच मिळाला आहे, त्यामुळे त्याचे हित हे आम्हा दोघांच्या आयुष्यात केंद्रस्थानी असेल. त्याच्या आनंदासाठी आम्ही पालक म्हणून जे काही करू शकतो ते सर्व करू, या कठीण व संवेदनशील वेळी आमच्या खासगी आयुष्याचा आदर राखावा ही विनंती. आपल्याकडून यावेळी पाठिंबा, समजूतदारी व प्रेमाची आम्ही अपेक्षा करतो.

-हार्दिक व नताशा

संबंधित बातम्या: