Ind vs Eng 1st ODI : आधी तिलक... आता शुभमन गिलचा 'विश्वासघात', हार्दिकच्या 'त्या' षटकारने उपकर्णधारचा केला गेम; 36 व्या षटकात काय घडलं? Video
नागपूरमध्ये एका टोकावरून विकेट पडत होत्या, पण शुभमन गिल चांगली फलंदाजी करत होता.
Hardik Pandya Explosive Six Missed Shubman Gill Century : पदार्पण करणारा वेगवान गोलंदाज हर्षित राणा आणि फिरकीपटू रवींद्र जडेजा यांनी गोलंदाजीत चमक दाखविल्यानंतर मधल्या फळीत शुभमन गिल, श्रेयस अय्यर आणि अक्षर पटेल यांच्या अर्धशतकांच्या जोरावर भारताने गुरुवारी पहिल्या एकदिवसीय सामन्यात इंग्लंडचा चार गडी राखून एकतर्फी पराभव केला.
विजयाचे हिरो जरी पाच असले तरी शुभमन गिलने यामध्ये मोलाचा वाटा उचलला होता, ज्याला कुठेतरी शतक हुकल्याचे दुःख जाणवत असेल. साकिब महमूदच्या बाउन्सरवर गिल आऊट झाला, पण हा दबाव हार्दिक पांड्याने निर्माण केला असे म्हणणे चुकीचे ठरणार नाही. हार्दिकचा एक षटकार संघासाठी चांगला होता, पण गिलसाठी कडू-गोड ठरला. कारण त्यामुळे उपकर्णधार गिलचा खेळ खराब झाला.
हार्दिक पांड्याने नेमके केले तरी काय?
नागपूरमध्ये एका टोकावरून विकेट पडत होत्या, पण शुभमन गिल चांगली फलंदाजी करत होता. गिलने श्रेयस अय्यर आणि अक्षर पटेलसोबत उत्कृष्ट भागीदारी केली आणि आपले अर्धशतकही पूर्ण केले. हळूहळू गिल त्याच्या शतकाच्या जवळ आला. 36 व्या षटकात शुभमन गिल त्याच्या शतकापासून 17 धावा दूर होता आणि भारताला विजयासाठी 24 धावांची आवश्यकता होती. जर गिलला स्ट्राईक आणि बॉल मिळाले असते तर शतक फार दूर नव्हते. पण त्याच षटकात राहुलची विकेट पडली आणि हार्दिक पांड्या आला. पांड्याने पहिला चेंडूवर रन घेतला नाही, पण पुढच्या चेंडूवर षटकार मारून गिलचा खेळ खराब केला. आता भारताला जिंकण्यासाठी 18 धावांची आवश्यकता होती तर गिलला शतक करण्यासाठी 17 धावांची आवश्यकता होती.
हार्दिक पांड्याचा तो षटकार अन् गिल आला दबावाखाली...
जर हार्दिकने एक धाव घेतली असती तर गिल कोणत्याही दबावाशिवाय हळूहळू त्याचे शतक पूर्ण करू शकला असता. पण हार्दिकच्या षटकारांमुळे त्याच्यावर दबाव निर्माण झाला. 37 व्या षटकात गिल स्ट्राईकवर आला आणि त्याने चौकार मारत 78 धावा पूर्ण केल्या. शतक पूर्ण करण्याच्या घाईत, गिलने साकिब महमूदच्या दुसऱ्या चेंडूवर पुल शॉट मारण्याचा प्रयत्न केला, पण तो आऊट झाला. हार्दिकने पाठ थोपटली पण शुभमन गिलचा चेहरा पडला होता. त्याने सामन्यात 14 चौकारांच्या मदतीने 87 धावांची खेळी केली.
आधी तिलकचा खेळ केला होता खराब
हार्दिक पांड्याच्या षटकारांमुळे एखाद्या खेळाडूचा गेम खराब होण्याची ही पहिलीच वेळ नाही. यापूर्वी तिलक वर्मा यांच्यासोबत असेच घडले होते जेव्हा हार्दिकला खूप ट्रोलिंगचा सामना करावा लागला होता. 2023 मध्ये, हार्दिकने षटकार मारून खेळ संपवला तेव्हा तिलक वर्माचे अर्धशतक फक्त 1 धावेने हुकले. त्या दिवशीही, जर हार्दिकला हवे असते तर तो युवा खेळाडू त्याच्या नावावर अर्धशतक जोडू शकला असता.
सोशल मीडियावर चाहते आमने-सामने
हार्दिकच्या या कृत्यानंतर सोशल मीडियावर चाहत्यांमध्ये युद्ध सुरू झाले आहे. हार्दिकचे चाहते त्याला समर्थन देत आहेत आणि स्वार्थी फलंदाजीसाठी गिलला ट्रोल करत आहेत. त्याच वेळी, गिलचे चाहते हार्दिकवर खूप रागावलेले दिसून आले.
हे ही वाचा -
महत्त्वाच्या बातम्या
