Boxing Day Tests : क्रिकेटप्रेमींना बॉक्सिंग-डेला मिळणार तिहेरी डोस, 26 डिसेंबरला मैदानात उतरणार 6 संघ, भारत-पाकिस्तानमुळे उत्सुकता शिगेला

26 December Boxing Day Tests : 2024 हे वर्ष क्रिकेट चाहत्यांसाठी खूप आनंदाने संपणार आहे.

Boxing Day Tests Aus vs Ind, SA vs Pak

Source : ABP

26 December Boxing Day Tests : 2024 हे वर्ष क्रिकेट चाहत्यांसाठी खूप आनंदाने संपणार आहे. नाताळच्या सुटीत त्यांना दररोज क्रिकेट सामने पाहण्याची संधी मिळणार आहे. आणि फक्त एक नाही तर 3-3 आंतरराष्ट्रीय सामने पाहू शकतात. भारत, ऑस्ट्रेलिया, दक्षिण आफ्रिका, पाकिस्तान, अफगाणिस्तान आणि झिम्बाब्वेचे संघ मैदानात उतरणार आहेत. अशा परिस्थितीत चाहत्यांना क्रिकेटचा दुहेरी नव्हे तर तिप्पट डोस मिळणार आहे.  

भारत आणि ऑस्ट्रेलिया यांच्यात रंगणार सामना

टीम इंडिया 5 कसोटी सामन्यांच्या मालिकेसाठी ऑस्ट्रेलिया दौऱ्यावर आहे. तेथे तीन सामने झाले आहे. भारताने पर्थमधील पहिली कसोटी जिंकली, तर ऑस्ट्रेलियाने ॲडलेडमध्ये पुनरागमन करत मालिका 1-1 अशी बरोबरीत सोडवली. ब्रिस्बेनमध्ये खेळली गेलेली तिसरी कसोटी अनिर्णित राहिली. अशा परिस्थितीत मेलबर्नमध्ये होणारा हा सामना रोमांचक होणार आहे. टेस्टच्या पहिल्या दिवशी 26 डिसेंबर रोजी सुमारे 1 लाख चाहते स्टेडियममध्ये उपस्थित असतील. सर्व तिकिटे विकली गेली आहेत आणि चाहते त्यांच्या आवडत्या खेळाडूंना पाहण्यासाठी प्रतीक्षा करत आहेत. वर्ल्ड टेस्ट चॅम्पियनशिप फायनलच्या दृष्टिकोनातून हा सामना दोन्ही संघांसाठी खूप महत्त्वाचा आहे.
हा सामना भारतीय वेळेनुसार पहाटे 5 वाजता सुरू होईल. जो तुम्ही स्टार स्पोर्ट्स तसेच डीडी स्पोर्ट्सवरही सामना टीव्हीवर पाहता येईल. तुम्ही डिस्ने+ हॉटस्टार ॲप आणि वेबसाइटवर सामना ऑनलाइन पाहू शकाल.

पाकिस्तान दक्षिण आफ्रिका पहिला कसोटी सामना

सध्या पाकिस्तानचा संघ दक्षिण आफ्रिकेच्या दौऱ्यावर आहे. आफ्रिकन संघाने तीन टी-20 सामन्यांची मालिका जिंकली. पाकिस्तानने एकदिवसीय मालिकेत पुनरागमन करत 3-0 असा क्लीन स्वीप केला. आता दोन कसोटी सामन्यांची मालिका होणार आहे. सध्याचा फॉर्म पाहता दक्षिण आफ्रिका बलाढ्य दिसत असली तरी पाकिस्तानचा संघ नेहमीच आश्चर्यकारकांसाठी ओळखला जातो. आता या सामन्यात काय होते ते पाहायचे आहे. वर्ल्ड टेस्ट चॅम्पियनशिप फायनलचे समीकरण लक्षात घेता, इच्छा नसली तरी पाकिस्तानने ही मालिका जिंकवी म्हणजे टीम इंडियाचा फायदा होईल.

पहिला कसोटी सामना सेंच्युरियनमध्ये भारतीय वेळेनुसार दुपारी 1:30 पासून सुरू होईल. भारतातील टीव्हीवरील स्पोर्ट्स 18 नेटवर्कवर सामना पाहता येईल. तुम्ही Jio Cinema ॲप आणि वेबसाइटवर सामना ऑनलाइन पाहू शकाल.

झिम्बाब्वेसमोर अफगाणिस्तानचे आव्हान

अफगाणिस्तान संघ 3 टी-20 तसेच 3 वनडे आणि 2 कसोटी सामन्यांच्या मालिकेसाठी झिम्बाब्वे दौऱ्यावर आहे. हरारे येथे टी-20 आणि एकदिवसीय सामने झाले. यादरम्यान अफगाणिस्तानने टी-20 मालिका 2-1 आणि एकदिवसीय मालिका 2-0 ने जिंकली. आता कसोटी क्रिकेटचा थरार रंगणार आहे. दोन्ही कसोटी बुलावायो येथे होतील. अफगाणिस्तानचा फॉर्म उत्कृष्ट आहे, पण तरीही त्यांना कसोटीत सिद्ध करावे लागेल. या फॉर्मेटमध्ये संघाला काही आश्चर्यकारक करता आलेले नाही. झिम्बाब्वेविरुद्धचा हा सामना सोपा असणार नाही. हा सामना वर्ल्ड चॅम्पियनशिपच्या सायकलमध्ये नाही.

झिम्बाब्वे विरुद्ध अफगाणिस्तान पहिली कसोटी बुलावायो भारतीय वेळेनुसार दुपारी 1:30 पासून सुरू होईल. पण हा सामना भारतात कोणत्याही टीव्ही चॅनलवर उपलब्ध नाही. फॅनकोड ॲप आणि वेबसाइटवर सामना ऑनलाइन पाहता येईल.