पश्चिम रेल्वे मार्गावरील लोकल वाहतूक ठप्प

दादरजवळ तांत्रिक बिघाड झाल्याचं सांगण्यात येत आहे. त्यामुळे दोन्ही बाजूची वाहतूक रखडली. त्यामुळे दादर स्टेशनवर प्रवाशांची गर्दी झाली आहे.

दरम्यान, बॅटरी चोरीला गेल्यानेच ही वाहतूक ठप्प झाल्याचं सांगण्यात येत आहे. मात्र ही बॅटरी खूप मोठी असते त्यामुळे ही बॅटरी स्टेशनवरुन चोरीला गेलीच कशी, असा सवाल उपस्थित होत आहे.

पश्चिम रेल्वे मार्गावरील अप-डाऊन, फास्ट – स्लो सर्व वाहतूक रखडली आहे. त्यामुळे ऐन गर्दीच्या वेळीच प्रवाशांचा खोळंबा झाला आहे. तांत्रिक बिघाडामुळे लोकलमधील पंखे, लाईट्सही बंद करण्यात आली आहे.

पहिल्याच पावसानंतर मुंबईकरांची लाईफलाईन डळमळली आहे. कारण मध्य, पश्चिम आणि हार्बर मार्गावरील लोकल विस्कळीत झाली आहे. पश्चिम मार्गावर तर दोन्ही बाजूने रेल्वेसेवा ठप्प झाली आहे.