इंधन दरवाढीविरोधात विरोधकांचं राज्यभर आंदोलन

शिर्डीमध्ये विरोधीपक्ष नेते राधाकृष्ण विखेपाटील यांच्या नेतृत्वात आंदोलनाल करण्यात आलं. लोणी गावासह राहाता तालुक्यात कडकडीत बंद ठेवत प्रांताधिकाऱ्यांना यावेळी निवेदन देण्यात आलं.

सांगलीत काँग्रेस कार्यकर्त्यांनी शहरातून मोर्चा काढला. यावेळी सरकारच्या विरोधात जोरदार घोषणाबाजी करण्यात आली.

पुण्यात भारत बंदला हिंसक वळण, मनसे कार्यकर्त्यांनी कुमठेकर रस्त्यावर पीएमटी फोडली

दादरमध्ये मनसेच्या वतीनं अच्छे दिनची प्रतिकात्मक 'प्रेतयात्रा' काढण्यात आली. यावेळी सरकारच्या विरोधात जोरदार घोषणाबाजी करण्यात आली.

नाशिक शहरातील अनेक पेट्रोल पंप बंद असून पेट्रोल पंपांवर पोलीस बंदोबस्त देण्यात आला आहे. त्र्यंबकनाका परिसरातील तीनही पेट्रोल पंप बंद असल्याने वाहनचालकांचे हाल होत आहेत.

डीएन नगर मेट्रो स्थानकात काही मनसैनिकांनी मेट्रो रोखून धरली. यावेळी मनसैनिकांनी सरकारविरोधात घोषणाबाजीही केली.

काँग्रेस राष्ट्रवादी काँग्रेससह मनसेनेही पाठिंबा दिला आहे. मनसैनिकांनी पेट्रोलपंपावर गाढव आणून मोदी सरकारचा निषेध केला.

इंधन दरवाढीच्या पार्श्वभूमीवर मोदी सरकारविरोधात काँग्रेस महाराष्ट्र प्रदेशाध्यक्ष अशोक चव्हाण यांच्यासह कॉंग्रेस नेते आणि कार्यकर्त्यांनी अंधेरी रेल्वे स्टेशनवर घोषणाबाजी केली.