बीसीसीआयकडून पुलवामामधील शहीद जवानांच्या कुटुंबीयांना मदतीचा हात

पुलवामामध्ये शहीद झालेल्या जवानांच्या कुटुंबीयांना बीसीसीआय पाच कोटी रुपये मदत करणार असल्याची माहिती मिळाली आहे.

त्यांनी राज्य असोसिएशन आणि आयपीएल फ्रेंचाइजीसना मदत करण्याचं आवाहन केलं आहे.

भारतीय क्रिकेट कंट्रोल बोर्डाचे अध्यक्ष सी.के. खन्ना यांनी सीओए चीफ विनोद राय यांच्याकडे शहीद जवानांच्या कुटुंबीयांना पाच कोटी रुपये मदत करण्याची अपील केली आहे.

शिवाय त्यांनी जवानांच्या कुटुंबीयांना पाच कोटी रुपयांची मदत करण्यात यावी, अशी विनंती केली आहे.

सी.के खन्ना यांनी सीओए यांना लिहिलेल्या पत्रात म्हंटल आहे की, आम्ही पुलवामामध्ये झालेल्या दहशतवादी हल्ल्यात शहीद झालेल्या जवानांच्या कुटुंबीयांच्या दुखात सामिल आहोत.

इराणी करंडकातल्या विजयासाठी मिळालेली इनामाची सारी रक्कम, आपण पुलवामात शहीद झालेल्या सीआरपीएफ जवानांच्या कुटुंबियाच्या निधीला देत असल्याची घोषणा विदर्भाचा कर्णधार फैझ फझलनं केली आहे.

यापूर्वी भारतीय टीमचा माजी सलामीचा फलंदाज विरेंद्र सेहवाग याने शहीद जवानांच्या मुलांच्या शिक्षणाची जबाबदारी घेतली आहे.

या हल्ल्याची जबाबदारी पाकिस्तानमधील जैश-ए-मोहम्मद या अतिरेकी संघटनेने स्विकारली होती.

हा हल्ला श्रीनगरपासून 30 किमी लांब लेथपोरा भागात झाला होता. या हल्ल्यात 40 सीआरपीएफ जवान शहीद झाले होते.