Photos: रोहित शर्मानंतर टीम इंडियाचं कसोटी क्रिकेट कर्णधारपद कोणाकडे? 'हे' 4 खेळाडू शर्यतीत

WTC मध्ये टीम इंडियाचा पराभव झाला आणि तेव्हापासूनच खेळाडूंच्या फिटनेसचा प्रश्न ऐरणीवर आला. अशातच टीम इंडियातील अनेक दिग्गज गेल्या अनेक दिवसांपासून दुखापतग्रस्त असल्यामुळे मैदानापासून दूर आहेत.

Team India Test Captain

Team India Test Captain: WTC मध्ये टीम इंडियाचा पराभव झाला आणि तेव्हापासूनच टीम इंडियाच्या खेळाडूंच्या फिटनेसचा प्रश्न ऐरणीवर आला. अशातच टीम इंडियातील अनेक दिग्गज गेल्या अनेक दिवसांपासून दुखापतग्रस्त असल्यामुळे मैदानापासून दूर आहेत. तसेच, टीम इंडियाचा कर्णधार रोहित शर्माही फिटनेसमुळे नेटकऱ्यांच्या निशाण्यावर आहे. तसेच, गेल्या काही दिवसांपासून रोहित आपला फॉर्मही गमावून बसल्याचं अनेक क्रिडा विश्लेषकांचं मत आहे.

गेल्या काही दिवसांपासून रोहितच्या फिटनेसवरुन अनेक प्रश्न उपस्थित करत, नेटकरी सतत रोहित शर्माला फैलावर घेत आहेत. त्याच्यावर अनेक मिम्सही शेअर केले जात आहेत. एवढंच नाहीतर आता टीम इंडियाला कर्णधार बदलण्याची गरज आहे, असंही बोललं जात आहे. पण जर खरंच टीम इंडियामध्ये बदल करुन कर्णधार बदलायचा असेल तर टीम इंडियाचा नवा कर्णधार कोण असेल? असा प्रश्न सर्वांच्याच मनात उपस्थित होतोय. अशीच काही नावं सध्या चर्चेत आहेत. पाहुयात कोणती नावं चर्चेत आहेत.