AFG vs BAN : बांगलादेशला लोळवलं, अफगाणिस्तान उपांत्य फेरीत, काबूल ते कंदहार देशभरात जल्लोष,अखेर वॉटर कॅनन मागवले अन्...

Afghanistan: टी20 वर्ल्ड कप 2024 च्या सुपर 8 च्या लढतीत अफगाणिस्ताननं बांगलादेशला पराभूत करत उपांत्य फेरीत प्रवेश केला आहे. या कामगिरीनंतर देशातील क्रिकेट चाहते मोठ्या संख्येनं रस्त्यावर उतरले.

अफगाणिस्तानात क्रिकेट चाहते रस्त्यावर

अफगाणिस्तान दक्षिण आफ्रिका, इंग्लंड, भारतानंतर उपांत्य फेरीच्या लढतीत प्रवेश केला आहे. राशिद खानच्या टीमनं बांगलादेशला पराभूत करत उपांत्य फेरीत प्रवेश केला.

अफगाणिस्तान आयसीसीच्या स्पर्धेत उपांत्य फेरीत पहिल्यांदा प्रवेश केला आहे. या आनंदात अफगाणिस्तानात काबूल ते कंदहार राशिद खानच्या टीमचे चाहते मोठ्या संख्येनं रस्त्यावर जमलेले पाहयाला मिळाले.

रस्त्यांवर क्रिकेट चाहत्यांची गर्दी मोठ्या संख्येनं जमल्यानंतर स्थानिक प्रशासनाला रस्ते मोकळे करण्यासाठी कसरत करावी लागली. वॉटर कॅनन देखील मागवावे लागले होते. अफगाणिस्तान क्रिकेट बोर्डाकडून याचे फोटो शेअर करण्यात आले आहेत.

अफगाणिस्ताननं सुपर 8 मध्ये पहिल्यांदा ऑस्ट्रेलियाला 21 धावांनी पराभूत केलं होतं. त्यामुळं त्यांच्या उपांत्य फेरीच्या आशा जीवंत होत्या. सुपर 8 च्या अखेरच्या लढतीत बांगलादेशला अफगाणिस्ताननं पराभूत केलं.

अफगाणिस्ताननं टॉस जिंकून पहिल्यांदा फलंदाजी करण्याचा निर्णय घेतला. 20 ओव्हरमध्ये त्यांनी 5 विकेटवर 115 धावा केल्या. बांगलादेशला विजयासाठी डकवर्थ लुईस नियमाप्रमाणं विजयासाठी 114 धावा करायच्या होत्या. मात्र अफगाणिस्तान समोर बांगलादेशचा डाव 105 धावांमध्ये आटोपला.