Pat Cummins : पॅट कमिन्सनं इतिहास रचला, सलग दोन मॅचमध्ये हॅटट्रिक,अफगाणिस्तानविरुद्ध विक्रमी कामगिरी

Pat Cummins Hat Trick, T20 World Cup 2024 : पॅट कमिन्सनं अफगाणिस्तान विरुद्धच्या मॅचमध्ये सलग तीन विकेट घेत इतिहास रचला आहे.

पॅट कमिन्स

पॅट कमिन्सनं अँटिग्वामध्ये झालेल्या बांगलादेश विरुद्ध हॅटट्रिक केली होती. टी-20 वर्ल्ड कपमध्ये सलग तीन विकेट घेणारा पॅट कमिन्स दुसरा ऑस्ट्रेलियन खेळाडू ठरला होता. पॅट कमिन्सनं अफगाणिस्तान विरुद्ध देखील हॅटट्रिक केली आहे.

पॅट कमिन्स टी 20 वर्ल्ड कपमध्ये हॅटट्रिक करणारा सातवा खेळाडू आहे. पॅट कमिन्सनं करीम जनत, राशिद खान आणि गुलबदीन नैब या तिघांना बाद करत हॅटट्रिक केली होती.

पॅट कमिन्सनं 18 व्या ओव्हरमध्ये अखेरच्या बॉलवर अफगाणिस्तानचा कॅप्टन राशिद खान याला बाद केलं. यानंतर 20 व्या ओव्हरच्या पहिल्या दोन बॉलमध्ये विकेट घेत कमिन्सनं इतिहास रचला.

पॅट कमिन्सनं चार ओव्हरमध्ये 3 विकेट 28 धावा देत काढल्या. यामुळं अफगाणिस्तानची धावसंख्या 150 च्या वर जाऊ शकली नाही.

पॅट कमिन्सनं सलग दुसऱ्या मॅचमध्ये हॅटट्रिक केली आहे. ऑस्ट्रेलियाकडून 2007 च्या टी 20 वर्ल्ड कपमध्ये ब्रेट लीनं हॅटट्रिक केली होती.