PHOTO : चीनमध्ये 133 प्रवाशांना घेऊन जाणारं विमान कोसळलं, डोंगरावर आग

China Plane Crash

चायना इस्टर्न एअरलाइन्सचे विमान कोसळल्याची घटना घडली आहे. या विमानात 133 प्रवासी असल्याची माहिती मिळत आहे.

हे विमान कुनमिंगहून ग्वांगझूला 133 प्रवाशांना घेऊन जात होते. यावेळी या विमानाचा गुआंग्शी प्रदेशात अपघात झाला. अपघात झालेले विमान हे जेट बोईंग 737 होते. 

चायना इस्टर्न एअरलाइन्सच्या विमानाचा कुनमिंगहून ग्वांगझूला 133 प्रवाशांना घेऊन जात असताना गुआंग्शी प्रदेशात अपघात झाला. या अपघातानंतर विमान कोसळलेल्या डोंगरावर मोठी आग लागली.

या अपघातातील मृतांची संख्या मात्र अद्याप कळू शकली नाही, अशी माहिती रॉयटर्स वृत्तसंस्थेने दिली आहे.

घटनेची माहिती मिळताच अपघातस्थळी मदत आणि बचाव कार्य युद्धपातळीवर सुरु झालं आहे. शिवाय विमानातील ब्लॅक बॉक्सचा शोधही सुरु आहे.