Solapur News : जालन्यातील घटनेचा मराठा समाजाकडून निषेध, सोलापूर - पुणे राष्ट्रीय महामार्गावर रास्ता रोको

Solapur News : जालन्यातील घटनेच्या निषेधार्थ राज्यभरात निषेध करण्यात येत आहे.

Solapur News

मराठा समाजाकडून सोलापूर - पुणे राष्ट्रीय महामार्गावर रास्ता रोको करण्यात आलं आहे.

यामुळे सोलापूरहून पुण्याकडे जाणारी वाहतूक पूर्णपणे ठप्प झाली आहे.

तसेच पुण्याहून सोलापूरकडे जाणारा वाहतूक देखील पूर्णपणे थांबवण्यात आली आहे.

यावेळी मराठा समाजाकडून गृहमंत्री देवेंद्र फडणवीस यांचा निषेध करण्यात आला.

या आंदोलनामुळे सोलापूर पुणे राष्ट्रीय महामार्ग एक तासापासून बंद ठेवण्यात आला आहे.

तर मुंबई-पुणे हून सोलापूर, हैदराबाद, कर्नाटककडे जाणारी वाहतूकही खोळंबली आहे.

रस्त्यावर जवळपास दीड ते दोन किलोमीटर लांब वाहनांच्या रांगा पाहायला मिळाल्या.

रस्त्यावर मोठ्या प्रमाणात पोलीस फौजफाटा तैनात करण्यात आला आहे.

पोलिसांनी स्वतःहून रस्त्यावर बॅरिककेडिंग करत वाहतूक आंदोलकपासून लांबच रोखण्यात आली आहे.

या आंदोलनामध्ये मोठ्या संख्येने लोकांनी सहभाग घेतला.