Pune Bjp News : हसत खेळत रंगली भाजपची टिफीन पार्टी

हसत खेळत भाजपची टिफीन पार्टी रंगली. यावेळी चद्रकांत पाटील उपस्थित होते.

Tiffin party

पंतप्रधान माननीय नरेंद्र मोदी यांच्या नेतृत्वातील सरकारला 9 वर्ष पूर्ण झाली आहेत.

त्यानिमित्त आज कोथरूडमध्ये माजी खासदार प्रकाश जावडेकर यांच्या माध्यमातून भारतीय जनता पक्षाच्यावतीने टिफीन बैठकीचे आयोजन करण्यात आले होते.

यावेळी टिफीन बैठकीच्या माध्यमातून कार्यकर्त्यांनी वैचारिक मेजवानीचा आनंद लुटला.

पंतप्रधान नरेंद्र मोदी यांच्या नेतृत्वात केंद्र सरकारला नऊ वर्षांचा कार्यकाळ पूर्ण होत आहे.

यानिमित्ताने भारतीय जनता पक्षाच्या माध्यमातून सेवा, सुशासन आणि गरीब कल्याण पर्व राबविले जात असून, या अंतर्गत देशभर वेगवेगळे उपक्रम राबविले जात आहेत.

या उपक्रमांमध्ये देशभरातील कार्यकर्त्यांमध्ये टिफीन बैठकीच्या माध्यमातून एकत्रित येऊन वैचारिक देवाणघेवाण होते आहे.

आज भाजपा कोथरुड मंडलाच्या वतीने वृंदावन बॅंक्वेट येथे टिफीन बैठकीचे आयोजन करण्यात आले होते.

राज्याचे उच्च व तंत्रशिक्षण मंत्री चंद्रकांतदादा पाटील, माजी केंद्रीय मंत्री तथा खासदार प्रकाश जावडेकर, पुणे शहर प्रभारी तथा माजी खासदार अमरजी साबळे, भाजपा महिला मोर्चाच्या राष्ट्रीय उपाध्यक्षा मेधा कुलकर्णी, माजी महापौर तथा प्रदेश सरचिटणीस मुरलीधर मोहोळ, प्रदेश चिटणीस वर्षाताई डहाळे, प्रदेश प्रवक्ते संदीप खर्डेकर यांच्यासह भाजपाचे सर्व पदाधिकारी आणि कार्यकर्ते या टिफीन बैठकीत सहभागी झाले होते.

प्रत्येकांनी आपापल्या घरातून टिफीन आणून, सर्वांसह जेवणाचा आस्वाद घेतला. तसेच, माननीय नरेंद्र मोदीजींच्या नेतृत्वातील लोकोपयोगी योजनांसह अनेक जुन्या आठवणींना उजाळा मिळाला.