Pune Fire : फर्निचर कंपनीला भीषण आग; 7 ते 8 सिलेंडरचा स्फोट, सुदैवाने जीवितहानी नाही!

पुण्यातील धायरी परिसरात गल्ली नंबर 22मधील फर्निचर बनवण्याच्या कंपनीला भीषण आग लागली होती.

pune fire

पुण्यातील धायरी परिसरात गल्ली नंबर 22मधील फर्निचर बनवण्याच्या कंपनीला भीषण आग लागली होती.

सायंकाळी 7 वाजण्याच्या सुमारास ही आग लागली होती.

घटनेची माहिती मिळताच फायर ब्रिगेडच्या आठ गाड्या आणि एक टँकर घटनास्थळी दाखल झाला होता.

अथक प्रयत्नानंतर अखेर रात्री पाऊणे नऊ वाजण्याच्या सुमारास अग्निशमन दलाच्या कर्मचाऱ्यांनी आगीवर नियंत्रण मिळवलं आहे.

शॉर्ट सर्किटमुळे ही आग लागल्याची शक्यता वर्तवली जात आहे.

आगीमुळे पाठोपाठ 7 ते 8 सिलेंडरच्या टाक्यांचा स्फोट झाल्याची माहिती प्रत्यक्षदर्शीनी दिली आहे.

या आगीत सुदैवाने कोणतीही जीवितहानी झालेली नाही.

मात्र परिसरात मोठ्या प्रमाणात धुराचे लोट पसरले होते.