Mahakumbh Mela 2025 Fire Tragedy : खलिस्तानी संघटनेचा दावा, महाकुंभात स्फोट घडवून आणला, ईमेल पाठवून घेतली जबाबदारी; म्हणाले, हा पिलीभीत बनावट चकमकीचा बदला
प्रयागराजमधील महाकुंभ परिसरात 19 जानेवारी रोजी दुपारी साडेचार वाजता आग लागली होती. शास्त्री पुलाजवळ सेक्टर 19 येथील गीता प्रेसच्या कॅम्पमध्ये आग लागली. आगीत गीता प्रेसच्या 180 कॉटेज जळून खाक झाल्या.
Mahakumbh Mela 2025 Fire Tragedy : खलिस्तान जिंदाबाद फोर्स (KZF) या दहशतवादी संघटनेने प्रयागराज महाकुंभ मेळ्यात (Mahakumbh Mela 2025 Fire Tragedy) 19 जानेवारीला लागलेल्या आगीची जबाबदारी स्वीकारली आहे. KZF ने मंगळवारी मीडिया संस्थांना एक ई-मेल पाठवून दावा केला की हा पिलीभीत चकमकीचा बदला आहे. 23 डिसेंबर रोजी पीलीभीत चकमक झाली होती. यूपी पोलिसांनी 3 खलिस्तानी दहशतवाद्यांचा खात्मा केला होता. मात्र, यूपी पोलिसांनी खलिस्तान जिंदाबाद फोर्सचा दावा फेटाळून लावला आहे. दुसरीकडे पंजाब पोलिसांचे विशेष डीजीपी (अंतर्गत सुरक्षा) आरएन ढोके यांनी ही घटना उत्तर प्रदेशातील असल्याचे सांगितले. यामुळे त्यांनी या प्रकरणावर काहीही भाष्य करणे योग्य नाही.
प्रयागराजमधील महाकुंभ परिसरात 19 जानेवारी रोजी दुपारी साडेचार वाजता आग लागली होती. शास्त्री पुलाजवळ सेक्टर 19 येथील गीता प्रेसच्या कॅम्पमध्ये आग लागली. आगीत गीता प्रेसच्या 180 कॉटेज जळून खाक झाल्या. गीता प्रेसच्या किचनमध्ये छोट्या सिलेंडरमधून चहा बनवत असताना गॅस गळतीमुळे ही आग लागल्याचे महाकुंभ प्रशासनाकडून सांगण्यात आले. आगीमुळे किचनमध्ये ठेवलेले दोन गॅस सिलिंडरचा स्फोट झाला.
आमचा हेतू हानी पोहोचवण्याचा नव्हता
दहशतवादी संघटनेने कॅनडा आणि पंजाबमधील पत्रकारांना ई-मेल पाठवला आहे. 'खलिस्तान झिंदाबाद फोर्सने म्हटले की, कोणाचेही नुकसान करणे हा मुख्य उद्देश नव्हता. यूपीच्या मुख्यमंत्र्यांसाठी हा केवळ इशारा आहे. ही तर सुरुवात आहे. ई-मेलमध्ये फतेह सिंग बागीचे नाव लिहिले आहे.चकमकीत सहभागी खलिस्तानी दहशतवाद्यांचा हस्तक फतेह सिंग बागी हा तरणतारनचा रहिवासी आहे. बागी शिक्षणासाठी परदेशात गेला होता. वडील जोगिंदर सिंग आणि आजोबा दोघेही भारतीय सैन्यात होते. त्याचवेळी, बागीचा मोठा भाऊ गुरजित सिंग अजूनही भारतीय सैन्यात असून तो राजस्थानमध्ये तैनात आहे. जगजित सिंग उर्फ फतेह सिंग दहा वर्षांपासून परदेशात राहत असल्याचे जोगिंदर सिंग यांनी प्रसारमाध्यमांना सांगितले होते. सॉफ्टवेअर इंजिनीअरिंगचा डिप्लोमा करण्यासाठी तो यूकेला गेला. सुमारे 8 वर्षांपूर्वी दुसऱ्या जातीतील व्यक्तीशी लग्न केल्याने तिला घरच्यांनी हाकलून दिले होते. तो यूके आर्मीमध्ये सामील झाला. अफगाणिस्तानातही लढायला गेला होता.
महिनाभरापूर्वी पिलीभीत चकमक झाली होती
23 डिसेंबर रोजी पीलीभीत चकमक झाली. पिलीभीत पोलिसांनी 3 खलिस्तानी दहशतवाद्यांना ठार केले होते. त्यांच्यावर पंजाबमधील पोलीस चौकीवर ग्रेनेड हल्ला केल्याचा आरोप होता. तिघेही पळून पिलीभीत येथे राहत होते. पंजाब पोलिसांच्या माहितीवरून यूपी पोलिसांनी ही कारवाई केली.
इतर महत्वाच्या बातम्या
महत्त्वाच्या बातम्या
