Lalbaugcha Raja Visarjan 2025 : 360 डिग्री फिरणारा तराफा, स्कुबा डायव्हर्सही सज्ज; गिरगाव चौपाटीवर लालबागचा राजाच्या विसर्जनाची जय्यत तयारी

Lalbaugcha Raja Visarjan 2025 : तब्बल 18 तासांहून अधिक काळापासून लालबागच्या राजाची विसर्जन मिरवणूक सुरु होती. अखेर मुंबईच्या गिरगाव चौपाटीवर लालबागचा राजा विसर्जनासाठी सज्ज झाला आहे.

Lalbaugcha Raja Visarjan 2025

लालबागच्या राजाची भव्य मिरवणूक शनिवारी सकाळी 10 वाजल्यापासून सुरु झाली. या दरम्यान राजा मंडपातून बाहेर पडला होता.

त्यानंतर आज सकाळी साडेसातच्या सुमाराच लालबागचा राजा गिरगाव चौपाटीवर दाखल झाला आहे.

तब्बल 18 तासांहून सुरु असलेली ही भव्य मिरवणूक अखेर गिरगाव चौपाटीवर येऊन पोहोचली आहे.

लालबागच्या राजाचं यंदाचं विसर्जन हे अत्यंत खास आणि आधुनिक पद्धतीने करण्यात येणार आहे.

यंदा मूर्ती विसर्जनासाठी अत्याधुनिक तराफा वापरण्यात येणार आहे.

लालबागच्या राजाच्या विसर्जनासाठी 360 डिग्री फिरणारा तराफा, स्कुबा डायव्हर्सही सज्ज झाले आहेत.

दरम्यान, आपल्या लाडक्या बाप्पाला निरोप देण्यासाठी देशभरातून दाखल गणेश भक्तांनी गिरगाव चौपाटीवर मोठी गर्दी केली असून सर्वत्र भक्तीचा महासागर बघायला मिळतो आहे.

आपल्या लाडक्या बाप्पाचं दर्शन घेण्यासाठी गणेश भक्तांची मध्यरात्री तुफान गर्दी बघायला मिळतेय.

अवघ्या काही क्षणांतच लाडका बाप्पा विसर्जित होईल.

जोरदार पावसामध्येसुद्धा गणेश भक्तांकडून मोठा उत्साहात राजाचा विसर्जन केलं जात असल्याचे चित्र आहे.