गोव्यात येणाऱ्या पर्यटकांच्या गाडीचा अपघात, तिघे गंभीर जखमी !

Mumbai Goa National Highway : मुंबई गोवा राष्ट्रीय महामार्गावर उभ्या कंटेनरला मागून पर्यटकांच्या गाडीने धडक दिल्याने 6 पर्यटक जखमी.

Accident

मुंबई - गोवा राष्ट्रीय महामार्गावरील गोव्यातील म्हापसा जवळील करासवाडा येथे उभ्या कंटेनरला मागून येणाऱ्या पर्यटकांच्या गाडीने पहाटे धडक दिल्याने साताऱ्यातील 6 पर्यटक जखमी झाल्याची माहिती समोर आली आहे.

यांपैकी तिघांवर गोवा वैद्यकीय महाविद्यालयात मध्ये उपचार सुरू आहेत.

साताराहून 6 मित्र गोव्यात फिरायला आले असता म्हापसा जवळील करासवाडा येथे उभ्या कंटेनर पाठीमागुन धडक दिल्याने हा अपघात झाला आहे.

गाडीचा चालक गाडीमध्ये अडकला होता मात्र अग्निशामक दल घटनास्थळी दाखल होत कटरच्या साहाय्याने दरवाजा कट करून चालकाला बाहेर काढले.

जखमी पर्यटकांना बाहेर काढले तर गंभीर जखमी असलेल्या तिघांना उपचारांसाठी गोवा वैद्यकीय महाविद्यालयात हलवण्यात आले आहे.

गोवा पोलीस अपघाताचा तपास करीत आहे.