इंडस्ट्रीयल ऑईलची वाहतूक करणाऱ्या टँकरचा आपघात; डिझेल समजून ऑईल नेण्यासाठी नागरिकांची झुंबड

हिंगोलीत वाशिम महामार्गावर काल सकाळी इंडस्ट्रीयल ऑईलची वाहतूक करणाऱ्या टँकरचा अपघात झाला होता.

Accident on Hingoli Washim Highway

चालकाचं नियंत्रणात सुटल्यानं टँकर थेट रस्त्याच्या कडेला पडला.

टँकरमध्ये डिझेल आहे, असं समजून स्थानिकांनी डिझेल पळविण्यासाठी बादल्या आणि कॅन घेऊन टँकरवर चढाई करण्यासाठी मोठी गर्दी केली होती.

पण ते डिझेल नसून इंडस्ट्रीयल ऑईल आसल्याचं समजल्यावर नागरिकांचा मोठा हिरमोड झाला होता.

l DOM कंपनीचा हा टँकर असून हिंगोलीकडून वाशिमच्या दिशेनं जात असताना वडद फाट्यावर हा अपघात झाला आहे.

या अपघातात चालक जखमी झाला असून त्याला पुढील उपचारासाठी रुग्णालयात दाखल करण्यात आलं आहे.

पोलिसांनी रस्त्याच्या कडेला पडलेल्या टँकरला क्रेनच्या साहाय्यानं बाहेर काढलं आहे.

अपघात झाल्यानंतर काही काळासाठी वाहतूक ठप्प झाली होती. परंतु, पोलिसांनी तात्काळ आवश्यक पावलं उचलत वाहतूक सुरळीत केली.

पण टँकरमध्ये डिझेल नसून ऑईल आहे, हे कळाल्यावर गावकऱ्यांचा मात्र हिरमोड झाला.