Mumbai Pune Expressway: मुंबईला जाताय? उद्यापासून 6 महिने मुंबई- पुणे द्रूतगती मार्गावर पनवेल Exit बंद राहणार! आता कुठल्या रस्त्याने वळवलीय वाहतूक?

विशेषतः पनवेल, मुंब्रा आणि जवाहरलाल नेहरू पोर्ट ट्रस्टकडे (JNPT) जाणाऱ्या वाहनांना फटका बसणार आहे.

Mumbai - Pune Expressway,

मुंबई-पुणे द्रुतगती महामार्गावरील पनवेल एक्झिट उद्यापासून ( 11 फेब्रुवारी) तब्बल 6 महिने बंद राहणार आहे.

कळंबोली जंक्शन सुधारणा प्रकल्पाचा भाग म्हणून महाराष्ट्र राज्य रस्ते विकास महामंडळ (MSRDC) एक नवीन उड्डाणपूल आणि अंडरपास बनवत असल्याने हा निर्णय घेण्यात आलाय.

नवी मुंबई वाहतूक अधिकाऱ्यांच्या मते, हा मार्ग बंद झाल्याने पनवेल, मुंब्रा, जेएनपीटीकडे जाणाऱ्या छोट्या वाहनांसह जड वाहतूकीच्या वाहनांवर परिणाम होण्याची शक्यता आहे

बांधकाम सुरळीत होईपर्यंत पर्यायी मार्ग देण्यात येणार आहेत.

मुंबई-पुणे एक्सप्रेसवेवरून पनवेल, गोवा आणि जेएनपीटीकडे जाणारी वाहने कोनफाटा येथे पळस्पे सर्कल मार्गे NH-48 वर वळवली जातील.

पुण्याहून मुंबईकडे येणारी व तलोजा, कल्याण आणि शिळफाट्याकडे जाणारी वाहने: रोडपाली आणि NH-48 मार्गे जाऊ शकतील.