Photo News: स्वाभिमानी शेतकरी संघटनेने औरंगाबादमध्ये ऊस वाहतूक अडवली

Aurangabad News: स्वाभिमानी शेतकरी संघटनेने 17 व 18 नोव्हेंबर रोजी राज्यव्यापी आंदोलन करण्यात येईल असा इशारा दिला होता.

Aurangabad News

राज्यभरात आज स्वाभिमानी शेतकरी संघटनेकडून राज्यव्यापी ऊस तोड व ऊस वाहतूक बंद आंदोलन करण्यात येत आहे.

दरम्यान याचे पडसाद आज औरंगाबादमध्ये देखील उमटताना पाहायला मिळत आहे.

औरंगाबादच्या कन्नड तालुक्यात देखील आंदोलन करण्यात आले.

धुळे-सोलापूर महामार्गवरील पाणपोही येथे स्वाभिमानी शेतकरी संघटनेकडून आंदोलन करण्यात आले.

यावेळी ऊस वाहतूक करणाऱ्या काही ट्रॅक्टरची हवा सोडण्यात आली.

याचवेळी कन्नडच्या बारामती ऍग्रोच्या साखर कारखान्याला ऊस घेऊन जाणाऱ्या वाहनांना अडवण्यात आले.

याठिकाणी पोलिसांचा मोठा बंदोबस्त देखील तैनात करण्यात आला होता.

पोलिसांनी आंदोलकांना ताब्यात घेऊन कन्नड शहर पोलीस ठाण्यात नेऊन कारवाई केली आहे.