Dhananjay Mahadik : खासदार धनंजय महाडिकांच्या घरात एकीकडे लेकाच्या लग्नाची अन् दुसरीकडे प्रचाराची लगीनघाई

Dhananjay Mahadik : मुलाच्या लग्नकार्यात प्रत्यक्ष सहभाग घेता येत नसल्याची खंत आहे. मात्र, नरेंद्र मोदी यांना पुन्हा पंतप्रधान करण्यासाठी आम्ही सगळे धडपडत असल्याचे महाडिक म्हणाले.

Dhananjay Mahadik

खासदार धनंजय महाडिक यांच्या घरामध्ये आधी लग्न लोकसभेचे मग लेकाचे असे चित्र झालं आहे.

धनंजय महाडिक यांचे चिरंजीव विश्वराज महाडिक यांच्या लग्नाची तयारी सुरु आहे.

त्यामुळे घरात पै पाहुणे आले असून मंडपही सजला आहे.

असं असताना धनंजय महाडिक महायुतीचे उमेदवार संजय मंडलिक यांच्या प्रचारात आहेत.

मुलाच्या लग्नकार्यात प्रत्यक्ष सहभाग घेता येत नसल्याची खंत त्यांना आहे.

मात्र, नरेंद्र मोदी यांना पुन्हा पंतप्रधान करण्यासाठी आम्ही सगळे धडपडत असल्याचे महाडिक म्हणाले.

लग्नाची सगळी तयारी पत्नी अरुंधती महाडिक करत अस्लयाचे ते म्हणाले.

मी केवळ मुहूर्तावर जाऊन पुन्हा एकदा प्रचार रॅलीमध्ये सहभागी होणार असल्याचे धनंजय महाडिक यांनी सांगितले.

पत्नी अरुंधती महाडिक यांनी आपल्या मुलाचे लग्न असून मुहूर्ताची आठवण धनंजय महाडिक यांना करून दिली आहे.

त्यामुळे एकीकडे घरात लगीनघाई आणि दुसरीकडे प्रचाराची घाई दिसून येत आहे.