Radhika Merchant : अंबानींची होणारी सून राधिका मर्चंट; सध्या का होतेय ट्रेंड, कोण आहे राधिका

Mukesh ambani daughter in law Radhika Merchant Know about radhika Merchant

Radhika Merchant : अंबानींच्या होणाऱ्या सुनेचा, नृत्यांगना राधिका मर्चंटचा (Radhika Merchant) अरंगेत्रम (Arangetram Ceremony) सोहळा नुकताच पार पडला आहे.

जिओ वर्ल्ड सेंटरच्या ग्रँड थिएटरमध्ये (Jio World Center Grand Theatre) हा सोहळा पार पडला आहे. या सोहळ्याला अनेक दिग्गजांनी हजेरी लावली आहे.

राधिका मर्चंट ही मुकेश अंबानी यांच्या मुलाच्या लग्नात आपल्या नृत्यविष्काराने चर्चेत आली होती.

राधिका एक लोकप्रिय भरतनाट्यम नृत्यांगना आहे. आता राधिकाला अरंगेत्रम ही पदवी मिळाली आहे.

अरंगेत्रम सोहळ्याला सलमान खान, आमिर खान, रणवीर सिंहसह अनेक सेलिब्रिटींनी हजेरी लावली होती. तसेच मुख्यमंत्री उद्धव ठाकरे सहकुटुंब या कार्यक्रमात उपस्थित होते.

मुकेश अंबानी आणि नीता अंबानी यांचा धाकटा मुलगा अनंत अंबानीसोबत राधिका लवकरच लग्नबंधनात अडकणार आहे.

राधिका मर्चंटने तिच्या नृत्याविष्काराने प्रेक्षकांना घायाळ केले. गेल्या आठ वर्षांपासून राधिकाने गुरु सुश्री भावना ठाकर यांच्याकडून नृत्याचे धडे गिरवले आहेत.

अरंगेत्रम म्हणजे भरतनाट्यम या नृत्यप्रकारात वर्षानुवर्ष शिक्षण घेतल्यानंतर रंगमंचासमोर आपल्या गुरुसमोर आपले नृत्य सादर करणे

नीता अंबानी नंतर राधिका अंबानी घराण्यातली दुसरी नृत्यांगना आहे. नीता अंबानी यांनीदेखील भरतनाट्यमचे शिक्षण घेतले आहे.

राष्ट्रीय आणि आंतरराष्ट्रीय पातळीवर त्यांनी भरतनाट्यम नृत्याविष्कार सादर केला आहे. राधिकाच्या नृत्यप्रकारात अरंगेत्रमच्या अनेक पारंपारिक घटकांचा समावेश आहे.