Bhandara News : पावसामुळं रस्त्यावरील डांबर वाहून गेलं, गावकऱ्यांना रहदारी करण्यास अडचण

Bhandara News : मागील तीन दिवस भंडारा जिल्ह्यात मुसळधार पावसाने हजेरी लावली आहे.

Bhandara News

पावसामुळे नदीनाले दुथडी भरुन वाहू लागले आहेत.

परिणामी लाखनी तालुक्यातील पालांदुर ते ढिवरखेडा येथील नालाही ओव्हरफ्लो झाला.

यामुळे या पुलावरील डांबररस्ता खचला आहे.

अगदी चार महिन्यांपूर्वी पंतप्रधान ग्रामीण सडक योजनेतून या रस्त्याचे काम करण्यात आले होते.

पण हे कामकाज निकृष्ट दर्जाचे असल्याचे यामुळे म्हटलं जात आहे.

पावसामुळे या रस्त्यावरील डांबर देखील वाहून गेले आहे.

या रस्त्यावर ठिकठिकाणी खड्डे देखील पडल्याचं दिसून येत आहे.

त्यामुळे या रस्त्यावरुन रहदारी करण्यास देखील त्रास होत आहे.

तर प्रशासनाने तात्काळ या रस्त्याची दुरुस्ती करावी अशी मागणी गावकऱ्यांकडून करण्यात येत आहे.

तसेच आता प्रशासनाकडून काही उपाययोजना करण्यात येणार का हे पाहणं महत्त्वाचं ठरणार आहे.