Maratha Reservation : मराठा आरक्षणासाठी शोले स्टाईलने आंदोलन, युवक थेट मोबाईल टॉवरवर चढला

Maratha Reservation : मराठा आरक्षणाच्या आंदोलनामुळे राजकीय वातावरण चांगलंच तापलं असल्याचं चित्र आहे. गावागावात आंदोलनं सुरू असून अनेक ठिकाणी राजकीय नेत्यांना गावबंदी घालण्यात आली आहे.

Maratha Reservation Protest

मराठा समाजाला आरक्षण मिळावे यामागणीसाठी जामखेड तालुक्यातील खर्डा येथे एका युवकाने शोले स्टाईल आंदोलन केलं.

मोबाईल टॉवरवर चढत मराठा आरक्षण मिळेपर्यंत खाली न उतरण्याची भूमिका युवकाने घेतली.

संतोष साबळे असे आंदोलन करणाऱ्या युवकाचे नाव असून घटनेची माहिती मिळताच खर्डा पोलीस ठाण्याचे कर्मचारी घटनास्थळी दाखल झाले.

संबंधित युवकाला खाली उतरण्याची विनंती केली जात होती, मात्र युवकाने खाली उतरण्यास नकार दिला.

युवकाने घेतलेल्या या भूमिकेमुळे प्रशासनाचे चांगलेच धाबे दणाणले.

नंतर खर्डा येथे मोबाईल टॉवरवर चढलेल्या संतोष साबळे याला खाली उतरवण्यात ग्रामस्थांना यश आले.

ग्रामस्थांच्या विनंतीनंतर संतोष साबळे तब्बल एका तासांनंतर मोबाईल टॉवरवरून खाली उतरला.

मराठा समाजाला किमान शैक्षणिक आरक्षण द्या अशी मागणी संतोष साबळे याने केली.

मराठा आरक्षणासाठी लढा देणारे मनोज जरांगे यांना पाठिंबा देण्यासाठी ठिकठिकाणी आंदोलने सुरू आहेत. या दरम्यान टोकाचे आंदोलन न करण्याचे तसेच आत्महत्या करू नये असे आवाहन मनोज जरांगे पाटील यांनी केलं आहे.