Valentine's Day Gift : पार्टनरच्या चेहऱ्यावर गोड हसू आणायचंय? 'या' सुंदर भेटवस्तू द्या, व्हॅलेंटाईन डे होईल अधिक खास

Valentine's Day Gift : 'व्हॅलेंटाईन डे' जवळ येतोय अशातच तुम्हाला तुमच्या पार्टनरला काय गिफ्ट द्यायचं याबाबत गोंधळ होत असेल तर हे ऑप्शन्स तुमच्यासाठी आहेत.

Valentine's Day Gift

फेब्रुवारी महिन्यात कपल्स व्हॅलेंटाईन डे ची आतुरतेने वाट पाहतात. हा दिवस जसजसा जवळ येतो तसं पार्टनरसाठी काय गिफ्ट घ्यायचं याचं प्लॅनिंग सुरु होतं. तुम्हीसुद्धा तुमच्या पार्टनरसाठी काही खास गिफ्ट ऑप्शन्स शोधत असाल तर आम्ही तुमच्यासाठी काही ऑप्शन्स सुचवले आहेत.

ग्रीटिंग कार्ड्स: आज प्रेम व्यक्त करण्याची पद्धत जरी बदलली असली तरी ग्रीटिंग कार्ड्सची गंमत वेगळीच असते. तुमच्या भावना शब्दांत मांडायच्या असतील तर तुम्ही छानसं ग्रीटिंग कार्ड तुमच्या पार्टनरला देऊ शकता.

फोटो कोलाज : व्हॅलेंटाईनच्या दिवशी सगळ्या गोड आठवणींना उजाळा द्यायचा असेल तर फोटो कोलाजपेक्षा बेस्ट ऑप्शन नाही. तुम्ही तुमच्या नात्यातीत गोड आठवणींचा कोलाज तयार करून तुमच्या पार्टनरला भेट देऊ शकता.

हॅन्डमेड चॉकलेट्स : तसं तर व्हॅलेंटाईनच्या प्रत्येक दिवशी चॉकलेट्स खास असतात. पण, हेच चॉकलेट्स जर तुम्ही स्वत: बनवले तर त्यातली गंमत निराळीच असते. तुम्ही वेगवेगळ्या आकारांची आणि चवीची चॉकलेट्स बनवू शकता आणि तुमच्या पार्टनरला देऊ शकता.

मोबाईल कव्हर : सध्या वेगवेगळ्या मोबाईल कव्हरची क्रेझ सुरु आहे. अशा वेळी पार्टनर मोबाईल कव्हर देखील तुमच्यासाठी चांगला ऑप्शन ठरू शकतो.

रेझिन शोपीस : आजकाल रेझिनच्या मदतीने शोपीस बनवण्याचा ट्रेंड वाढला आहे. तुम्ही पेन होल्डर किंवा इतर कोणत्याही प्रकारचे शोपीस तयार करून तुमच्या पार्टनरला देऊ शकता. मुलींना असे क्रिएटिव्ह गिफ्ट्स फार आवडतात.

तुम्हाला जर तुमच्या पार्टनरला लग्नासाठी प्रपोज करायचं असेल तर तुम्ही रिंग देखील गिफ्ट म्हणून देऊ शकता. यामुळे तुम्ही प्रेमात किती खरे आणि प्रामाणिक आहात याचा अंदाज मुलींना येईल.

मुलींना ज्वेलरीची फार आवड असते हे आपल्या सगळ्यांनाच माहित आहे. तुम्ही या दिवशी पार्टनरला छानसं पेंडेन्ट गिफ्ट करू शकता.